پولیس نے علی امین گنڈا پور اور بشریٰ بی بی کے وارنٹ گرفتاری حاصل کرلیے

پولیس نے وارنٹ گرفتاری حاصل کرلیے
اسلام آباد (ڈیلی پاکستان آن لائن) پولیس نے وزیر اعلیٰ خیبر پختونخوا علی امین گنڈا پور اور سابق خاتون اول بشریٰ بی بی کے وارنٹ گرفتاری حاصل کرلیے۔
یہ بھی پڑھیں: عالمی رینکنگ میں پاکستانی عدلیہ کو اور نیچے دھکیل دیا گیا: لیاقت بلوچ
انسداد دہشتگردی کورٹ کا فیصلہ
سماء نیوز کے مطابق انسداد دہشتگردی کورٹ کے جج طاہر عباس سِپرا نے تھانہ رمنا میں درج مقدمہ میں وزیر اعلیٰ خیبر پختونخوا علی امین گنڈا پور اور سابق خاتون اول بشریٰ بی بی کے وارنٹ گرفتاری جاری کردیے۔
دیگر وارنٹس کی اجرائی
عدالت کی جانب سے ایم این اے شاہد خٹک اور ایم پی اے سہیل آفریدی کے وارنٹ گرفتاری بھی جاری کیے گئے ہیں۔ وارنٹ گرفتاری کیلئے پولیس کی جانب سے درخواست دی گئی تھی جسے عدالت نے منظور کرلیا۔