ن لیگ اور پی پی رہنماوں کی ملاقات، ورکنگ ریلیشن شپ بہتر بنانے پر اتفاق

مسلم لیگ ن اور پیپلزپارٹی کی ملاقات

اسلام آباد (ڈیلی پاکستان آن لائن) مسلم لیگ ن اور پیپلزپارٹی کے رہنماوں میں غیر رسمی ملاقات ہوئی۔ دونوں جماعتوں کے درمیان ورکنگ ریلیشن شپ کو بہتر بنانے پر اتفاق ہوا۔

یہ بھی پڑھیں: کراچی میں رواں برس سٹریٹ کرائم کے کتنے ہزار واقعات رپورٹ ہوئے اورکتنے ہزارموبائل فونز چھینے گئے؟ جان کر آپ کے ہوش ٹھکانے آ جائیں

قومی و سیاسی امور پر تعاون

ملاقات کے دوران رابطہ کمیٹیوں کی بات چیت پر بھی اطمینان کا اظہار کیا گیا۔ دونوں جماعتوں کا پارلیمنٹ کے اندر اور باہر اہم قومی و سیاسی امور پر تعاون جاری رکھنے پر بھی اتفاق ہوا۔

یہ بھی پڑھیں: وفاقی کابینہ کی اکثریت نے خیبر پختونخوا میں گورنر راج نافذ کرنے کی حمایت کر دی

قمر زمان کائرہ کی گفتگو

قمر زمان کائرہ نے گفتگو کرتے ہوئے کہا کہ سیاسی جماعتوں کو ڈائیلاگ سے مسائل کا حل نکالنا چاہئے۔ ہم کسی قسم کے جبر، زیادتی اور انتقامی رویئے کے خلاف ہیں۔ اگر کسی نے واقعی جرم کیا ہے تو سزا تو ملنی چاہئے۔

پی ٹی آئی کا فوج سے مذاکرات کا مطالبہ

انہوں نے مزید کہا کہ پی ٹی آئی کا فوج سے مذاکرات کا مطالبہ درست نہیں۔ فوج مذاکرات نہیں کر سکتی، اگر کرے گی تو آئین کی خلاف ورزی ہوگی۔