قومی اسمبلی میں وزرا کے غائب رہنے پر ڈپٹی سپیکر کا ایوان نہ چلانے کا اعلان

اجلاس کی صورتحال

اسلام آباد (ڈیلی پاکستان آن لائن) قومی اسمبلی کے اجلاس سے مسلسل دوسرے روز بھی وفاقی وزرا غائب رہے، جس پر اپوزیشن لیڈر عمر ایوب نے کڑی تنقید کی۔ ڈپٹی سپیکر نے اجلاس ملتوی کرنے کا اعلان کرتے ہوئے کہا کہ اس طرح ایوان نہیں چلے گا۔ اگر وزرا آئندہ ہفتے نہیں آئے تو ہاوس نہیں چلائیں گے۔

یہ بھی پڑھیں: ہیڈ کوچ مائیک ہیسن چھٹیاں گزارنے اپنے وطن نیوزی لینڈ چلے گئے

اجلاس کی صدارت

قومی اسمبلی کا اجلاس ڈپٹی سپیکر سید غلام مصطفیٰ شاہ کی زیر صدارت شروع ہوا۔ اجلاس میں وزرا اور پارلیمانی سیکرٹریز کی عدم موجودگی پر اپوزیشن جماعتوں سمیت حکومتی اتحادی ارکان بھی ناراض ہوگئے۔

یہ بھی پڑھیں: افواج پاکستان کی شان ہیں، ہم ان کی بدولت امن و سکون کی زندگی گزار رہے ہیں: مراد علی شاہ

سابق سپیکر کا احتجاج

سابق سپیکر قومی اسمبلی اور پی ٹی آئی رہنما اسد قیصر نے وزرا کی عدم موجودگی پر اعتراض اٹھایا، کہا کہ وقفہ سوالات جاری ہے اور پورا ایوان خالی ہے، کوئی وزیر موجود نہیں ہے۔ یہ قابل مذمت ہے۔ انہوں نے احتجاجاً پانچ منٹ کے لیے اجلاس کو موخر کرنے کی درخواست کی۔

یہ بھی پڑھیں: بلدیاتی انتخابات کیس؛ سیکرٹری لوکل گورنمنٹ نے جواب جمع کرانے کیلئے مہلت مانگ لی

ڈپٹی سپیکر کی وضاحت

ڈپٹی سپیکر نے کہا کہ وزرا کی حاضری کل بھی وقفہ سوالات میں نہیں تھی۔ پیپلزپارٹی کے رکن قومی اسمبلی آغا رفیع اللہ نے کہا کہ اپنی اور ہماری عزت کا خیال رکھیں اور وزیروں کے آنے تک اجلاس کی کارروائی موخر کریں۔

یہ بھی پڑھیں: پاکستان کی شوبز انڈسٹری میں مرد اداکاروں کے ساتھ بھی جنسی ہراسانی کے واقعات، تاریک پہلو سامنے آگیا

اجلاس کا دوبارہ آغاز

ڈپٹی سپیکر نے اجلاس کی کارروائی میں 15 منٹ کا وقفہ کیا۔ قومی اسمبلی کا اجلاس دوبارہ شروع ہوا تو پیپلزپارٹی کے رہنما سید نوید قمر نے بھی وزرا کی عدم موجودگی پر برہمی کا اظہار کیا۔

یہ بھی پڑھیں: ایشیا کپ، بھارت کے خلاف پاکستان کی پلیئنگ الیون فائنل

وزرا کی آئینی ذمہ داری

انہوں نے ڈپٹی سپیکر کو مخاطب کرتے ہوئے کہا کہ کابینہ مجموعی طور پر اسمبلی کی ذمہ دار ہے۔ وزرا کی آئینی ڈیوٹی ہے کہ ایوان میں موجود ہوں، آپ کی طرف سے سخت رولنگ آنی چاہئے۔

اجلاس کی ملتویٰ کا اعلان

ڈپٹی سپیکر نے کہا کہ کل بھی ہم نے رولنگ دی تھی کہ ہم وزیر اعظم کو لکھیں گے۔ حکومت غیر سنجیدہ ہے، اس طرح ایوان نہیں چلے گا۔ قومی اسمبلی کا اجلاس کل بروز جمعہ دن 11 بجے تک ملتوی کردیا گیا۔