پی آئی اے فلیٹ میں شامل 34 میں سے 17 طیارے گراونڈ، کروڑوں ڈالر کا نقصان

پی آئی اے کے طیارے گراونڈ ہونے کی وجوہات

کراچی (ڈیلی پاکستان آن لائن) قومی ایئر لائن (پی آئی اے) کے شعبہ انجینئرنگ کی انتظامیہ کی مبینہ غفلت اور ناقص کارکردگی کے سبب 34 کے فلیٹ میں سے 17 طیارے گراونڈ ہوگئے۔

یہ بھی پڑھیں: ایرانی ‘فتح’ میزائل اور ‘شاہد’ ڈرونز: غیر ملکی ہتھیار جو روس کی عسکری طاقت میں اضافہ کر رہے ہیں

طیارے کی اقسام اور گراونڈنگ کی صورتحال

ڈان نیوز کے مطابق بوئنگ 777 کے 12 طیاروں میں سے 7 گراونڈ ہیں، ایئر بس 320 ساختہ 17 طیاروں میں سے 7 گراونڈ ہیں جبکہ 5 اے ٹی آر طیاروں میں سے 3 ناکارہ ہوگئے ہیں۔ صرف اے ٹی آر کے 2 طیارے فلائٹ آپریشنز میں حصہ لے رہے ہیں۔

یہ بھی پڑھیں: بشریٰ بی بی کے سیاست سے تعلق پر وزیر اطلاعات پنجاب عظمٰی بخاری کا “تبصرہ”

مالی نقصان کا سامنا

ذرائع کے مطابق گراونڈ ہونے والے طیاروں میں زیادہ تر طیارے انجن، لینڈنگ گیئر سمیت دیگر پرزہ جات کی عدم دستیابی کی وجہ سے گراونڈ کئے گئے ہیں، جس کی وجہ سے پی آئی اے کو کروڑوں ڈالر کے نقصان کا سامنا ہے۔

یہ بھی پڑھیں: ایسا ماحول تخلیق کرنا ہوگا جہاں ہر فرد کو اس کے حقوق ملیں،بیرسٹر امجد ملک

طیاروں کے پرزہ جات کا مسئلہ

پی آئی اے کے زیادہ تر طیارے کئی سال سے گراونڈ ہیں اور ان طیاروں کے زیادہ تر پرزہ جات دوسرے طیاروں میں استعمال کئے جا چکے ہیں۔ پی آئی اے کے ترجمان نے ایک بیان میں کہا ہے کہ پیرس کے لئے آپریٹ ہونے والا جہاز تیار ہو گیا ہے۔

یہ بھی پڑھیں: پی آئی اے ریاض کی جانب سے سنیئر مینجر شیخ ارشد کے اعزاز میں الوداعی تقریب منعقد کی گئی

فلائٹ آپریشنز کی بحالی

یاد رہے کہ یورپی یونین ایئر سیفٹی ایجنسی (ایاسا) نے گزشتہ ماہ پاکستان انٹرنیشنل ایئر لائن (پی آئی اے) کے یورپ میں فلائٹ آپریشن سے پابندی اٹھالی تھی۔ پی آئی اے کے ترجمان نے اس موقع پر کہا تھا کہ پی آئی اے انتظامیہ قوانین اور ضابطوں پر مکمل عمل پیرا رہے گی۔

یہ بھی پڑھیں: اپوزیشن لیڈر عمرایوب ، ملک احمد چھٹہ اور عظیم الدین بھی اڈیالہ جیل کے باہر سے گرفتار

نجکاری کی کوششیں

واضح رہے کہ اربوں روپے کے مالی خسارے سے دوچار قومی ایئرلائن کی نجکاری کے لئے حکومت نے 31 اکتوبر کو بولیاں کھولی تھیں۔ پی آئی اے کے 60 فیصد حصص کی نجکاری کے لئے 85 ارب روپے کی خواہاں حکومت کو ریئل اسٹیٹ مارکیٹنگ کمپنی بلیو ورلڈ سٹی کی جانب سے صرف 10 ارب روپے کی بولی موصول ہوئی تھی۔

مسترد شدہ بولیاں اور نئی تجاویز

بعد ازاں دبئی سے تعلق رکھنے والی پاکستانی گروپ نے حکومت کو 250 ارب روپے کے واجبات سمیت 125 ارب روپے سے زائد میں خریدنے کی پیشکش ارسال کی تھی۔ تاہم نجکاری بورڈ نے پی آئی اے کی نجکاری کے لئے موصول ہونے والی بولیاں مسترد کردی تھیں، اور قومی ایئرلائن کی نجکاری کے لئے نئی تجاویز پیش کی گئی تھیں جنہیں کابینہ کمیٹی اور وفاقی کابینہ کے سامنے پیش کیا جانا تھا۔