وزیر اعلیٰ چین سے 700 الیکٹرک بسوں کا منصوبہ لا رہی ہیں،100 سے زائد بسیں کالج، یونیورسٹی کے روٹس پر چلائی جائیں گی: وزیر تعلیم

وزیر تعلیم کی شرکت

لاہور (ڈیلی پاکستان آن لائن) وزیر تعلیم رانا سکندر حیات نے گورنمنٹ اسلامیہ کالج کوپر روڈ کے کانووکیشن میں بطور مہمان خصوصی شرکت کی، جہاں انہوں نے 600 گریجویٹس طالبات میں گولڈ اور سلور میڈل اور رول آف آنرز تقسیم کئے۔

یہ بھی پڑھیں: پاکستان تحریک انصاف آج کی سیاست میں فی الحال کوئی کمال نہیں دکھا پا رہی، سزاؤں اور نا اہلیوں کا سیلاب بتا رہا ہے کہ سب اچھا نہیں: حامد میر

طالبات کی حوصلہ افزائی

تقریب میں طالبات سے گفتگو کرتے ہوئے وزیر تعلیم نے ان کی بھرپور حوصلہ افزائی کی اور کہا کہ لڑکیاں تعلیمی میدان میں لڑکوں سے آگے ہیں۔ بیٹیاں جتنی خودمختار ہوں گی، اتنا ہی بہتر طریقے سے حالات کا مقابلہ کر سکیں گی۔

یہ بھی پڑھیں: 2 دن فرعونوں کی سرزمین پر گھوم پھر لیا، قدیم مصریوں کے رسم و رواج سمجھ آگئے، شاہی دبدبے رعب اور عظمتوں کا سوچا تو مبہوت اور خوفزدہ سا ہوگیا

وزیراعلیٰ پنجاب کا ویژن

رانا سکندر حیات نے کہا کہ وزیر اعلیٰ پنجاب مریم نواز کے ویژن کے مطابق طالبات کو ہر میدان میں خودمختار دیکھنا چاہتے ہیں۔ اسی ضمن میں لڑکیوں کے لیے سکوٹی سکیم نکالی گئی۔

یہ بھی پڑھیں: ہندوستان میں جنگ آزادی کا آغاز ہو گیا: انگریز سرکار پریشان تھی، فوج کی نقل و حرکت کے نظام کو مضبوط رکھنا چاہتی تھی اور لاہور مرکزی مقام بننے جا رہا تھا۔

الیکٹرک بسوں کا منصوبہ

دوسری جانب، بالخصوص خواتین کی مشکلات کو مدنظر رکھتے ہوئے وزیر اعلیٰ پنجاب چین سے 700 الیکٹرک بسوں کا منصوبہ بھی لا رہی ہیں۔ ان میں سے 100 سے زائد بسیں کالج، یونیورسٹی کے روٹس پر چلائی جائیں گی۔

یہ بھی پڑھیں: لاہور میں سبق یاد نہ ہونے پر استاد نے 10 سالہ طالب علم کو بیہمانہ تشدد کا نشانہ بنا ڈالا

سکلز ڈویلپمنٹ اور لیپ ٹاپ سکیم

لڑکیوں کو خودمختار بنانے کیلئے سکلز ڈویلپمنٹ پر بھی توجہ دی جا رہی ہے۔ اگلے ماہ لیپ ٹاپ سکیم بھی لانچ کر دی جائے گی۔

یہ بھی پڑھیں: ن لیگ کے امیدواروں کی ضمنی انتخاب میں کامیابی پر نواز شریف کا رد عمل سامنے آگیا

تعلیمی اداروں کے لیے بسوں کی بحالی

وزیر تعلیم نے کہا کہ پنجاب میں تعلیمی اداروں کیلئے موجود بسوں کو فنکشنل کرنے کی ہدایات جاری کر دی گئی ہیں۔ اس پر تیزی سے کام جاری ہے۔

یہ بھی پڑھیں: آئندہ برس کیلئے حج پالیسی کا اعلان، اخراجات 11 لاکھ 75 ہزار روپے تک متوقع

پرفارمنگ طالبات کے لیے انعامات

اس موقع پر وزیر تعلیم نے کوپر روڈ کالج کی ٹاپ 3 پرفارمنگ طالبات کو ذاتی جیب سے ترکی، دبئی یا قازقستان میں سے کسی ایک ملک کے ٹرپ کا بھی اعلان کیا۔

طالبات کو پروٹوکول کے ساتھ دورے کی دعوت

وزیر تعلیم نے طالبات کو پنجاب اسمبلی دورے کی دعوت دی اور کہا کہ انہیں مکمل پروٹوکول کے ساتھ ایوان کا دورہ کروایا جائے گا اور گارڈ آف آنر بھی پیش کیا جائے گا۔