آدمی نے اپنی بیٹی کی عمر کی لڑکی سے شادی کرلی، دونوں کی عمر میں کتنا فرق ہے؟

شادی کی انوکھی کہانی

واشنگٹن (ڈیلی پاکستان آن لائن) امریکہ سے سامنے آنے والی ایک انوکھی محبت کی کہانی نے سوشل میڈیا پر خاصی توجہ حاصل کر لی ہے، جہاں 19 سالہ آیہ نے 41 سالہ رفاح سے شادی کر لی اور دونوں نے جلد ہی ایک بچے کے ساتھ اپنی نئی زندگی کا آغاز کر دیا۔ دونوں کے درمیان 21 سال کا فرق ہے مگر ان کا کہنا ہے کہ محبت عمر نہیں دیکھتی۔

یہ بھی پڑھیں: خواتین میں زیادہ دلچسپی رکھنے والی مائیکل جیکسن کی بیٹی نے آدمی سے منگنی کرلی

پہلی ملاقات

نیوز 18 کے مطابق آیہ اور رفاح کی پہلی ملاقات ایک بار میں ہوئی جہاں آیہ ویٹریس کے طور پر کام کر رہی تھیں۔ آیہ نے بتایا ’’میں بار میں کام کر رہی تھی جب میں نے ایک شخص کو بار بار مجھے دیکھتے ہوئے محسوس کیا۔ ہم نے بات کی، نمبر کا تبادلہ ہوا اور ایک ساتھ وقت گزارنے لگے۔‘‘ رفاح کو ابتدا میں لگا کہ آیہ عمر میں بڑی ہیں مگر جلد ہی پتہ چلا کہ وہ صرف 19 سال کی ہیں۔

یہ بھی پڑھیں: ستاروں کی روشنی میں آپ کا آج (جمعرات) کا دن کیسا رہے گا؟

جلد ہی شادی کی منصوبہ بندی

ملاقات کے صرف تین ہفتے بعد آیہ رفاح کے ساتھ رہنے لگیں اور آٹھ ماہ بعد شادی کی پیشکش قبول کر لی۔ شادی کے بعد دونوں سوشل میڈیا پر خوشگوار لمحات شیئر کرتے ہیں اور ان کی ویڈیوز لاکھوں لوگ دیکھتے ہیں۔

یہ بھی پڑھیں: گرمی سے ستائے پاکستانیوں کیلئے خوشخبری آ گئی

رفاح کی بیٹی اور خاندان

رفاح کی پچھلے رشتے سے ایک بیٹی بھی ہے جو آیہ سے صرف ایک سال چھوٹی ہے۔ اس حوالے سے رفاح نے کہا ’’لوگ کہتے ہیں کہ میری بیٹی اور آیہ کی عمر ایک جیسی ہے لیکن میں انہیں اس نظر سے نہیں دیکھتا۔ میں نے اپنی بیٹی کو بڑے ہوتے نہیں دیکھا، نہ ہی اس کے دوستوں کے ساتھ وقت گزارا۔‘‘ آیہ نے وضاحت کرتے ہوئے کہا، ’’رفاح نوجوان لڑکیوں کو تلاش نہیں کر رہے تھے، ہم بس ملے اور محبت ہو گئی۔‘‘

سوشل میڈیا پر تنقید

سوشل میڈیا پر ان کے رشتے کو شدید تنقید کا نشانہ بھی بنایا جا رہا ہے۔ ایک صارف نے لکھا، ’’اگر 41 سالہ شخص میری 19 سالہ بیٹی کے ارد گرد گھومتا تو وہ پچھتاتا۔‘‘ ایک اور تبصرے میں کہا گیا، ’’یہ اشارہ ہے؟ کس چیز کا؟ پولیس کو بلانے کا؟‘‘