وہ صارفین جن پر انسٹاگرام نے بڑی پابندی عائد کر دی

میٹا کی نئی پابندیاں

واشگٹن (آئی این پی) میٹا نے سوشل میڈیا پلیٹ فارم انسٹا گرام پر کم عمر بچوں کیلئے پابندی لگانے کا فیصلہ کیا ہے۔ انسٹا گرام میں اب کم عمر صارفین اپنے دوستوں کے ساتھ لائیو براڈ کاسٹ والدین کی اجازت کے بغیر نہیں کرسکیں گے۔

یہ بھی پڑھیں: انفراسٹرکچر کی ڈویلپمنٹ ترجیحی بنیادوں پر کی جا رہی ہے: معاون خصوصی راشد اقبال نصر اللہ

والدین کے لئے زیادہ کنٹرول

میٹا کی جانب سے اعلان کیا گیا جس کی بنا پر آن لائن کم عمر صارفین کو زیادہ تحفظ مل سکے۔ میٹا کے فیملی سینٹر پر والدین 16 سال سے کم عمر صارفین کے اکاونٹس کو ہینڈل کرسکتے ہیں۔ انسٹا گرام کی پبلک پالیسی کی گلوبل ڈائریکٹر تارا ہوپکنز کا کہنا ہے کہ نوجوانوں کے اکاونٹس کیلئے جن فیچرز اور تبدیلیوں کا اطلاق کیا جا رہا ہے، اس کا مقصد آن لائن ان کے تحفظ کو یقینی بنانا ہے۔

یہ بھی پڑھیں: جب فرعونوں نے تھبیس کو اپنا صدر مقام بنایا تو سیلابوں نے ان کا بہت نقصان کیا، محلات، مقبرے اور مندر وغیرہ گہرے پانی میں ڈوب جاتے تھے

پابندی کے اثرات

اس پابندی کا اطلاق 16 سال سے کم عمر انسٹا گرام صارفین پر ہوگا اور یہ ان سیفٹی فیچرز کا حصہ ہے جن کا اعلان گزشتہ سال کیا گیا تھا۔ اس سیٹنگز کو ٹین اکاونٹس کا نام دیا گیا تھا۔ یہ صرف انسٹا گرام میں ہی نہیں ہوگا بلکہ میٹا کی جانب سے فیس بک اور میسنجر کے کم عمر صارفین کے لیے بھی اسے متعارف کرایا جا رہا ہے۔

عمر کی بنیاد پر پابندیاں

13 سے 15 سال کے صارفین پر زیادہ سخت پابندیاں عائد کی گئی ہیں، جیسے انہیں اپنے اکاونٹس کی کسی بھی سیٹنگز میں تبدیلی کے لیے والدین کی اجازت کی ضرورت ہوتی ہے۔ البتہ، 16 سال یا اس سے زائد عمر کے صارفین کو سیٹنگز میں تبدیلی کے لیے زیادہ نرمی فراہم کی گئی ہے۔