پروفیسر عامر زمان کو ڈائریکٹر جنرل( ایڈمنسٹریٹر )پنجاب ہیومن آرگن ٹرانسپلانٹ اتھارٹی کیوں تعینات کیا گیا ۔۔؟ اصل کہانی سامنے آ گئی

پروفیسر عامر زمان کی تعیناتی

لاہور (جنرل رپورٹر) ریٹائرمنٹ کی زندگی گزارنے والے پروفیسر عامر زمان کو ڈائریکٹر جنرل (ایڈمنسٹریٹر) پنجاب ہیومن آرگن ٹرانسپلانٹ اتھارٹی تعینات کردیا گیا۔ پنجاب ہوٹا کے سربراہ کا عہدہ پونے 2 سال سے بطور ایکٹنگ چارج سروسز انسٹیٹیوٹ آف میڈیکل سائنسز کے پروفیسر آف یورولوجی ڈاکٹر انور شہزاد کے پاس تھا جنہوں نے پونے دو سال تک خدمات سرانجام دیں۔

یہ بھی پڑھیں: ممی راک بیبی شاک: حاملہ خاتون کے دھواں دھار رقص کی ویڈیو نے تہلکہ مچا دیا

تعیناتی کا طریقہ کار

پچھلے دنوں ریگولر ڈائریکٹر جنرل لگانے کے لیے 3 ناموں کی سمری محکمہ سپیشلائزڈ ہیلتھ نے وزیراعلی پنجاب کو بھجوائی جس میں ایک نام پروفیسر شہزاد انور، دوسرا نام آئی سرجن پروفیسر اسد اسلم اور تیسرا نام پروفیسر عامر زمان کا شامل کیا گیا تھا۔ چونکہ میرٹ پر پورا اترنے والے پروفیسر شہزاد انور کے پاس کوئی بڑی سفارش نہ تھی اس لیے اس کا نام ڈراپ کر کے پروفیسر عامر زمان کو اعلیٰ سفارش پر ایڈمنسٹریٹر ہونے تعینات کر دیا گیا۔

یہ بھی پڑھیں: صنفی بنیاد پر تشدد صرف خواتین کا مسئلہ نہیں بلکہ انسانی حقوق کا مسئلہ ہے، امریکی قونصلیٹ اور پنجاب ویمن پروٹیکشن اتھارٹی کا مباحثہ

نئے ایڈمنسٹریٹر کا پس منظر

ذرائع کا کہنا ہے کہ پنجاب کی دوسری اہم ترین شخصیت ان کے قریبی عزیز بتائے جاتے ہیں۔ پنجاب حکومت نے کنٹریکٹ پر ایک ریٹائرڈ پروفیسر جو کئی سال پہلے ریٹائر ہو چکے ہیں، انہیں ایڈمنسٹریٹر تعینات کر دیا۔ نئے ایڈمنسٹریٹر پروفیسر عامر زمان وائس چانسلر گنگا رام ہسپتال خدمات سرانجام دے چکے ہیں۔

یہ بھی پڑھیں: مولانا بھاشانی نے ڈھاکہ میں پریس کانفرنس میں انکشاف کیا کہ مجیب الرحمٰن بنگلہ دیش بنانا چاہتا ہے اور سی آئی اے اُس کی مدد کر رہی ہے.

پروفیسر اسد اسلم کا فیصلہ

ذرائع کا کہنا ہے پروفیسر اسد اسلم خان نے سیکرٹری صحت کو تحریری طور پر مراسلہ بھجوا دیا کہ ان کا نام بطور ڈی جی کی سمری سے واپس لیا جائے۔ وہ اس عہدے پر کام نہیں کرنا چاہتے اور نہ ہی ان کے پاس وقت ہے وہ اپنے مریضوں کو ٹائم دینا چاہتے ہیں، لہٰذا ان کا نام وڈرا کر لیا جائے۔ باقی بچے 2 امیدوار پروفیسر عامر زمان اور پروفیسر شہزاد انور۔

یہ بھی پڑھیں: آڈیو لیکس کمیشن کیس؛ سپریم کورٹ کی اتھارٹی کو انڈر مائین ہونے نہیں دیں گے، جسٹس جمال مندوخیل کا اٹارنی جنرل سے مکالمہ

میرٹ پر سوالات

ذرائع کا دعویٰ ہے کہ میرٹ پر شہزاد انور پورا اترتے تھے کیونکہ وہ ایک یورالوجسٹ ہیں اور پوٹا بھی یورولوجی سے وابستہ لوگوں کا کام ہے مگر اس بد نصیب پروفیسر کے پاس سفارش نہ ہونے کی وجہ سے ان کے نام کا قرعہ نہ نکل سکا اور آخر کار عامر زمان کو ڈائریکٹر جنرل پوٹا تعینات کر دیا گیا، حالانکہ پروفیسر عامر زمان ریٹائرڈ پروفیسر ہیں۔

سینیئر ڈاکٹرز کی رائے

اس حوالے سے کئی سینیئر ڈاکٹرز کا کہنا ہے کہ میرٹ پر پروفیسر شہزاد انور اترتے تھے اور ان کا ہی شعبہ تھا مگر بدقسمتی سے ان کے پاس سفارش نہیں تھی۔ جو کہ صوبے کی اہم شخصیت کی سفارش تھی وہ ڈی جی تعینات ہو گیا جبکہ پاکستان میڈیکل ایسوسی ایشن کے عام رہنماؤں کا کہنا ہے کہ اصل میں اب عہدے ذات برادری کی بنا پر ملتے ہیں۔ گجر برادری جیت گئی اور درویش ہار گئے۔