مہندی میں ڈانس کرنے پر مہک ملک کے خلاف مقدمہ درج

ایمپلی فائر ایکٹ کی خلاف ورزی

بہاولپور (ڈیلی پاکستان آن لائن) معروف خواجہ سرا مہک ملک سمیت 35 افراد کے خلاف ایمپلی فائر ایکٹ کی خلاف ورزی پر مقدمہ درج کرلیا گیا۔

یہ بھی پڑھیں: کراچی: بلدیہ ٹاون میں واٹر ٹینکر کی ٹکر سے 4 سالہ بچہ جاں بحق

تقریب کی تفصیلات

ایف آئی آر کے متن کے مطابق منڈی یزمان کے نواحی گاؤں 90 ڈی بی میں ایک مہندی کی تقریب ہو رہی تھی جس میں مہک ملک کو رقص کیلئے مدعو کیا گیا تھا۔ تقریب کے دوران مہک ملک نے نیم عریاں لباس پہن کر فحش گانوں پر رقص کیا جب کہ دیگر ملزمان ان پر نوٹ نچھاور کرتے رہے۔ مقدمے میں 10 ملزمان کو نامزد کیا گیا ہے جب کہ 25 نامعلوم افراد کے خلاف مقدمہ درج کیا گیا ہے۔

یہ بھی پڑھیں: چیف جسٹس یحییٰ آفریدی چیئرمین سپریم جوڈیشل کونسل بن گئے

سرکاری ملازمین کی شمولیت

ویب سائٹ دی کرنٹ نے ذرائع کے حوالے سے دعویٰ کیا ہے کہ اس تقریب میں کچھ سرکاری ملازمین بھی شامل تھے جن میں ایک پولیس کانسٹیبل بھی تھا لیکن انہیں مقدمے میں نامزد نہیں کیا گیا۔ تاحال اس مقدمے میں کسی بھی ملزم کی گرفتاری عمل میں نہیں آئی۔

تفتیش کا عمل

پولیس کی جانب سے نامعلوم ملزمان کی شناخت اور مزید تفتیش جاری ہے۔