تعلیمی ادارے پانچ دن بند رکھنے کا اعلان

بیساکھی میلے کے موقع پر تعلیمی اداروں کی بندش

ننکانہ صاحب(ڈیلی پاکستان آن لائن) بیساکھی میلے کے موقع پر ننکانہ صاحب کی ضلعی انتظامیہ نے تعلیمی ادارے پانچ دن بند رکھنے کا اعلان کر دیا ہے۔

یہ بھی پڑھیں: اداکارہ سیمی خان پر پروڈیوسر ندیم بھٹی نے ایف آئی آر درج کرا دی

سکھ یاتریوں کی آمد

نجی ٹی وی چینل ہم نیوز کے مطابق، ننکانہ صاحب کی ضلعی انتظامیہ نے باقاعدہ نوٹیفکیشن جاری کر دیا ہے۔ بیساکھی میلہ میں شرکت کے لیے بھارت سے سکھ یاتریوں کی ایک بڑی تعداد پاکستان پہنچ چکی ہے۔ انڈیا سے سات ہزار کے قریب سکھ یاتری ننکانہ صاحب پہنچیں گے۔

یہ بھی پڑھیں: سرکاری حج سکیم کے لیے درخواست جمع کروانے والے تمام امیدواروں کو کامیاب قرار دے دیا گیا

بیساکھی میلے کی مرکزی تقریب

پاکستان سمیت دنیا بھر سے بھی ہزاروں سکھ یاتری بیساکھی میلہ میں شرکت کریں گے۔ مرکزی تقریب 14 اپریل کو منعقد ہوگی۔

یہ بھی پڑھیں: دوسرے صوبوں میں حکومت جعلی یہاں اصلی، ترقی کیوں نہیں ہورہی؟ طالبہ کا سہیل آفریدی سے سوال

سیکیورٹی انتظامات

ڈی پی او کی ہدایت پر سکھ برادری کے بیساکھی میلے کا پولیس نے سیکیورٹی پلان جاری کر دیا ہے۔ ترجمان پولیس کے مطابق، 2000 پولیس افسران و جوان سیکیورٹی ڈیوٹی پر مامور ہوں گے۔

اضافی سیکیورٹی فورسز

ضلعی پولیس کے علاوہ، پنجاب کنسٹیبلری فاروق آباد اور دیگر اضلاع سے اضافی نفری بھی طلب کی گئی ہے۔ بیرون ممالک سے آنے والے سکھ یاتری 12 اپریل کو ننکانہ صاحب پہنچیں گے۔