ڈاکٹرمسعود صادق 2 سال کیلئے ایشیا پیسیفک پیڈیاٹرک کارڈیک سوسائٹی کے صدر منتخب

نئی ذمہ داری کا آغاز

کراچی (ویب ڈیسک) ڈاکٹر مسعود صادق کو آئندہ 2 سالوں کے لیے ایشیا پیسیفک پیڈیاٹرک کارڈیک سوسائٹی کا "صدر" منتخب کیا گیا ہے۔ وہ یہ اعزاز حاصل کرنے والے دوسرے پاکستانی ہیں، اس سے پہلے پروفیسر شہریار اے شیخ 1999 میں منتخب ہوئے تھے۔

یہ بھی پڑھیں: دنیا کے امیر ترین شخص نے ڈالر کے عالمی زوال کا اشارہ دے دیا

تنظیم کا پس منظر

تفصیل کے مطابق یہ ایشیا پیسفک ریجن کی سب سے بڑی پیشہ ورانہ اور علمی تنظیم ہے جو دنیا کی 64 فیصد آبادی کی نمائندگی کرتی ہے۔ اس میں جاپان، آسٹریلیا، چین، ہندوستان، ملیشیا، نیوزی لینڈ، کوریا، پاکستان، ایران، ترکی، انڈونیشیا، فلپائن، تھائی لینڈ، سری لنکا اور سنگاپور سمیت 23 ممالک شامل ہیں۔

یہ بھی پڑھیں: حکومت اب بجلی نہیں خریدے گی، وزیراعظم جلد نیشنل ٹیرف پالیسی کا اعلان کریں گے: وزیر توانائی

منتخب ہونے کا عمل

ڈاکٹر مسعود صادق کو اے پی پی سی ایس کی ایگزیکٹو کونسل نے 11 اپریل 2025 کو ایشیا پیسیفک پیڈیاٹرک کارڈیک سوسائٹی کی 10ویں دو سالہ میٹنگ کے دوران متفقہ طور پر منتخب کیا۔ وہ اس وقت پاکستان پیڈیاٹرک ایسوسی ایشن کے صدر ہیں۔

ڈاکٹر صادق کا عزم

اس نئی ذمہ داری پر ڈاکٹر صادق نے کہا کہ "اس اسائنمنٹ کو پاکستان میں پیڈیاٹرک کارڈیک سروسز کو مضبوط بنانے کے لیے استعمال کروں گا اور کوشش کروں گا کہ مزید ترقی یافتہ ممالک کے ساتھ تربیت اور تعاون کے مواقع پیدا کریں۔"