عظمیٰ بخاری نے لاہور پریس کلب ہاؤسنگ سکیم ایف بلاک میں بجلی کی تنصیب کا افتتاح کر دیا

عظمیٰ بخاری کا بیان

لاہور(ڈیلی پاکستان آن لائن) وزیر اطلاعات پنجاب عظمیٰ بخاری نے کہا ہے کہ بانی پی ٹی آئی پہلے دن سے این آر او کے لئے بھیک مانگ رہے ہیں لیکن کوئی انہیں سننے کو تیار نہیں۔ قوم کا مفاد مسلم لیگ (ن) کے ساتھ ہے، جو عوام کے مسائل حل کرنے اور سرمایہ کاری کے فروغ کے لئے عملی اقدامات کر رہی ہے۔

یہ بھی پڑھیں: سپریم کورٹ کا فیصلہ آیا، اگر تحریک انصاف کا مخصوص نشستوں کا حق نہیں تو دیگر جماعتوں کو بھی نہیں لینی چاہیں: حامد میر

صحافی کالونی کا افتتاح

عظمیٰ بخاری نے لاہور پریس کلب ہاؤسنگ سکیم ایف بلاک میں بجلی کی تنصیب کا افتتاح کرتے ہوئے کہا کہ صحافی کالونی فیز ٹو وزیر اعلیٰ پنجاب مریم نواز کے "اپنی چھت اپنا گھر" پروگرام کا تسلسل ہے۔ کالونی میں 36 کروڑ روپے کی لاگت سے پانی، بجلی اور دیگر بنیادی سہولیات فراہم کی جائیں گی۔

پریس کلب میں سولر بیک اپ کو بڑھایا جائے گا جبکہ کینٹین، انشورنس اور سبسڈی اسکیموں کو بھی مزید بہتر بنایا جائے گا۔انہوں نے کہا کہ وہ خود کو صحافی برادری کا حصہ سمجھتی ہیں اور صحافیوں کی فلاح و بہبود کے لیے ہر ممکن اقدام کریں گی۔

یہ بھی پڑھیں: بلاول بھٹو کی تقریر کے بعد عمر ایوب کو بات کرنے کی اجازت دینے پر پیپلزپارٹی کا احتجاج

پوری وارثت کا عزم

وزیر اطلاعات نے کہا کہ حکومت صحافیوں کو زمین خود الاٹ کرے گی اور انہیں صرف تعمیراتی چارجز ادا کرنے ہوں گے۔ ایف بلاک کے دیرینہ مسائل حل کرنے کے عزم کا اظہار کرتے ہوئے عظمیٰ بخاری نے کہا کہ اب مسائل کو مستقل بنیادوں پر حل کیا جائے گا۔

9مئی کے واقعات قوم کے مفاد میں نہیں تھے اور مسلم لیگ (ن) ہی ملک میں سرمایہ کاری اور پسے ہوئے طبقات کے مسائل کے حل کے لیے عملی اقدامات کر رہی ہے۔

یہ بھی پڑھیں: کیلیفورنیا کے سمندر میں تارکین وطن کی کشتی ڈوبنے سے 3 افراد ہلاک، متعدد لاپتا

حکومتی اقدامات

انہوں نے کہا کہ وزیراعلیٰ پنجاب کی حکومت میں اب چھوٹے ملازمین کو قربانی کا بکرا نہیں بنایا جاتا بلکہ ذمہ داری اوپر سے طے کی جاتی ہے۔ پتنگ بازی اور کتے کے کاٹنے جیسے واقعات کی بھی کڑی نگرانی کی جا رہی ہے۔

یہ بھی پڑھیں: شوہر نے بیوی کو قتل کردیا، لیکن کچھ ہی عرصہ پہلے وہ کس جرم میں سزا کاٹ کر جیل سے رہا ہوا تھا؟

بلوچستان کی اہمیت

عظمیٰ بخاری نے واضح کیا کہ ’’بلوچستان پاکستان کا لازمی حصہ ہے اور اندرونی و بیرونی سازشوں کو ہمیشہ کی طرح ناکام بنایا جائے گا۔ جو سیاستدان دہشت گردوں کی پشت پناہی کرے، وہ سیاستدان کہلانے کا حق دار نہیں۔

گندم کی نقل و حمل

مزید برآں عظمیٰ بخاری نے یہ بھی اعلان کیا کہ گندم کی نقل و حمل پر اب کوئی پابندی نہیں اور مریم نواز کی قیادت میں کسانوں کا تحفظ یقینی بنایا جائے گا تاکہ روٹی کی قیمت میں اضافہ نہ ہو۔