وزیراعلیٰ پنجاب مریم نواز نے انا طولیہ ڈپلومیسی فورم میں گرلز ایجوکیشن کیلئے عالمی معاہدہ تشکیل دینے کی تجویز پیش کردی

وزیراعلیٰ پنجاب کی گرلز ایجوکیشن کی تجویز

ترکیہ (دیلی پاکستان آن لائن) وزیراعلیٰ پنجاب مریم نواز نے اناطولیہ ڈپلومیسی فورم میں گرلز ایجوکیشن کے لیے عالمی معاہدہ تشکیل دینے کی تجویز پیش کر دی۔

یہ بھی پڑھیں: دنیا کی خوش باش قوموں کی فہرست میں پاکستانیوں نے بھارتیوں کو پیچھے چھوڑ دیا

تاریخی خطاب

وزیراعلیٰ پنجاب مریم نواز نے اناطولیہ ڈپلومیسی فورم میں تعلیم کی انقلابی طاقت کے عنوان سے تاریخی خطاب کرتے ہوئے کہا کہ ہر بچہ سکول میں داخل ہو، سکول میں پڑھتا رہے اور کامیابی حاصل کرے۔ وزیراعلیٰ نے گرلز ایجوکیشن کے لیے عالمی معاہدہ تشکیل دینے کی تجویز پیش کی۔ باہمی اشتراک کار سے تعلیمی پالیسی، تدریسی حکمت عملی اور فروغ تعلیم کے لیے اقدامات کی تجویز بھی پیش کی۔ ریاست نہیں بلکہ عوام کی فلاح و بہبود کے لیے با وقار سفارتکاری کے فروغ کے لیے فرینڈز آف ایجوکیشن کا ویژن ہے۔ ترکیہ کی اعلیٰ یونیورسٹیوں کو پنجاب میں کیمپس قائم کرنے کی دعوت بھی دی گئی۔

یہ بھی پڑھیں: برطانوی حکام نے پاکستان کے شعبہ ہوابازی کے حفاظتی انتظامات کو تسلی بخش قرار دیدیا

ترکیہ کے ساتھ شراکت داری

وزیراعلیٰ مریم نواز نے کہا کہ ترکیہ کے ادارے پنجاب میں نوجوانوں کے لیے اعلیٰ مراکز قائم کریں۔ ترکیہ سے باہمی شراکت داری اور ایکسچینج پروگرام سے روشن مستقبل کی بنیاد رکھی جائے گی۔ ہم اجتماعی طور پر ہر وہ کام کر سکتے ہیں جو انفرادی طور پر مشکل نظر آتا ہے۔ ترک خاتون اول کی قیادت میں اناطولیہ ڈپلومیسی فورم کا انعقاد خوش آئند امر ہے۔

یہ بھی پڑھیں: پاکستان اور چین کا دیگر شعبوں کی طرح خلائی تحقیق میں تعاون مثالی اور کلیدی اہمیت کا حامل ہے، شہباز شریف

تعلیمی پالیسی کی بنیاد

ہماری تعلیمی پالیسی کی بنیاد انقلاب آفرین اصلاحات ہیں۔ خواتین اور بچوں کے لیے تعلیم، انصاف، عزت و وقار اور مساوی مواقع ہماری اولین ترجیح ہے۔ میں پنجاب میں ایک منفرد طرز حکمرانی چاہتی ہوں جو ہر طرح موثر ہو۔ معاشرتی نا انصافیوں کے باعث بچوں سے مکمل صلاحیتوں کے اظہار کا حق چھین لیا جاتا ہے۔

یہ بھی پڑھیں: ایران میں کرنسی بحران کے خلاف احتجاج تیسرے روز بھی جاری رہا

جدید تعلیم کے اہداف

وزیراعلیٰ مریم نواز نے کہا کہ پنجاب میں تعلیمی اصلاحات کا مقصد محض خواندگی نہیں بلکہ لرننگ فریڈم اور روشن مستقبل بھی ہے۔ تعلیمی اصلاحات کو مؤثر بنانے کے لیے براہ راست خود نگرانی کر رہی ہوں۔ صوبہ بھر کے 4 ہزار سے زائد پرائمری سکولوں کو ایلیمنٹری لیول پر اپ گریڈ کیا جا رہا ہے۔

یہ بھی پڑھیں: ٹک ٹاکر ثنا یوسف کو کس نے قتل کیا؟ اہم تفصیلات سامنے آگئیں۔

ہونہار سکالر شپ پروگرام

پنجاب کے 50 ہزار محنتی اور قابل طلبہ کے لیے ہونہار سکالر شپ پروگرام قائم کیا گیا ہے۔ ہونہار سکالر شپ کا 50 فیصد حصہ طالبات کو ملنے پر فخر محسوس کرتی ہوں۔ ہم نئے مستقبل کی بنیاد رکھ رہے ہیں اور تعلیم ہی ہمیں طاقت، سر بلندی، امید اور روشن مستقبل کی بنیاد دے سکتی ہے۔

یہ بھی پڑھیں: قربانی کی عبادت کا مقصد تزکیہ نفس، تقویٰ، اللہ کی بندگی کا غالب آنا ہے: وزیر اعلیٰ مریم نواز کا عید الاضحیٰ پر پیغام

چیلنجز اور احساس ذمہ داری

وزیراعلیٰ مریم نواز نے کہا کہ ہمیں درپیش چیلنجز کو محض سرحدوں تک محدود نہیں سمجھنا چاہیے۔ ہمیں ان بچوں کے بارے میں سوچنا ہے جو تعلیم سے محروم ہیں۔ اناطولیہ ڈپلومیسی فورم نے بچوں کی تعلیم کے بارے میں سوچنے کا قابل قدر موقع فراہم کیا۔

شکریہ

وزیراعلیٰ مریم نواز نے کانفرنس کے شرکاء کا ترک زبان میں شکریہ ادا کیا۔