ریلوے کا ڈی جی خان تا ملتان 16 اپریل سے شٹل ٹرین چلانے کا فیصلہ

نئی شٹل ٹرین سروس کا آغاز

لاہور(ڈیلی پاکستان آن لائن) ریلوے انتظامیہ نے عوام کی سہولت کے پیش نظر ملتان، ڈیرہ غازی خان کے درمیان (227Dn/228Up) کے نام سے 16 اپریل 2025 سے شٹل ٹرین چلانے کا فیصلہ کیا ہے۔

یہ بھی پڑھیں: معروف کورین اداکار نے خودکشی کرلی

ٹرین کا شیڈول

نجی ٹی وی چینل ہم نیوز کے مطابق شٹل ٹرین 227Dn ملتان سے صبح 5 بجکر 30 منٹ پر روانہ ہو کر شیر شاہ، مظفرگڑھ، کوٹ ادو سے ہوتی ہوئی صبح 9 بجکر 30 منٹ پر ڈیرہ غازی خان پہنچے گی۔

جبکہ 228Dn ڈیرہ غازی خان سے دن 11بجے روانہ ہو کراسی روٹ سے ہوتی ہوئی دوپہر 2 بجکر 50 منٹ پر ملتان کینٹ ریلوے سٹیشن پہنچا کرے گی۔

ٹرین کی ساخت

ٹرین 4 اکانومی کلاس کوچز اور ایک بریک وین پر مشتمل ہوگی۔ ریلوے انتظامیہ نے کراچی سٹی ریلوے سٹیشن سے کوئٹہ کے درمیان چلنے والی 3Up بولان میل کے اوقات کار میں 27 اپریل 2025 سے تبدیلی کا فیصلہ کیا ہے۔