پیپلز پارٹی اور (ن )لیگ حکومت کا حصہ، وہی فیصلہ کرتے ہیں جو ملکی مفاد میں ہو: احسن اقبال

پیپلز پارٹی اور (ن) لیگ کا اتحاد

اسلام آباد (ڈیلی پاکستان آن لائن) وفاقی وزیر احسن اقبال نے کہا ہے کہ پیپلز پارٹی اور (ن) لیگ حکومت کا حصہ ہے، ہم وہی فیصلہ کرتے ہیں جو ملکی مفاد میں ہو۔

یہ بھی پڑھیں: سرکاری سکولوں میں کوئی بچہ فرش پر نہیں بیٹھے گا: علی امین گنڈاپور

قوم پرست سیاست اور فوڈ سیکیورٹی

نجی ٹی وی "دنیا نیوز" کے مطابق احسن اقبال نے کہا کہ سندھ اور پنجاب کے درمیان کے معاملے پر قوم پرست سیاست کر رہے ہیں، ہمارا فرض ہے کہ فوڈ سیکیورٹی کے معاملات پر متحد ہو کر کام کریں، اگر ہم نے پانی اور خوراک پر سیاست کی تو تاریخ معاف نہیں کرے گی۔

یہ بھی پڑھیں: حج 2026 کیلئے عازمین کی رجسٹریشن میں ایک روز باقی

صوبوں کے حقوق کی حفاظت

وفاقی وزیر نے کہا کہ وفاقی حکومت کبھی بھی ایسا کام نہیں کرے گی جو متنازعہ ہو، تمام صوبوں کے حقوق کو محفوظ کریں گے، ملک یکم اپریل 2022 کو تحریک عدم اعتماد سے 10 روز قبل ڈیفالٹ ہو رہا تھا، وہاں سے ہم واپس لائے ہیں۔

ریفنڈز پر کمیٹی کا قیام

انہوں نے کہا کہ وزیر خزانہ کی سربراہی میں ریفنڈز پر کمیٹی بنائی ہے جو اس معاملے کو فوری حل کرے گی، جتنی ہماری ایکسپورٹ ہوگی اسی کو دیکھتے ہوئے وفاقی حکومت آگے فیصلے کر رہی ہے۔