اسلام آباد میں پولیس افسران کی منشیات فروشوں کی پشت پناہی کا انکشاف، کئی نوکری سے برطرف

پولیس افسران کی منشیات فروشوں کی پشت پناہی

اسلام آباد (آئی این پی) اسلام آباد میں پولیس افسران اور اہلکاروں کی منشیات فروشوں کی پشت پناہی کا انکشاف ہوا ہے۔

یہ بھی پڑھیں: خطے کے ممالک اپنی سرزمین دشمن کے حوالے نہ کریں، ترقی اور سلامتی چاہتے ہیں تو جنگ کا حصہ نہ بنیں، ایرانی صدر مسعود پزشکیان کا تازہ بیان جاری

برطرفی کا عمل

نجی ٹی وی کے مطابق منشیات فروشوں کی پشت پناہی اور مراسم پر 11 افسران و اہلکاروں کو نوکری سے برطرف کردیا گیا ہے۔ برطرف ہونے والوں میں سب انسپکٹر، اے ایس آئی، ہیڈ کانسٹیبل شامل ہیں۔

یہ بھی پڑھیں: اعصام، اشنا اور مزمل کی شاندار کامیابیاں: خواجہ افتخار میموریل ٹینس چیمپئن شپ 2024 اختتام پذیر

برطرف افسران کی تفصیلات

تھانہ گولڑہ کے اے ایس آئی طلعت محمود، اے ایس آئی محمد اجمل، ریدر ایس پی سواں بھی برطرف ہونے والوں میں شامل ہیں۔ تھانہ کھنہ، ترنول، سنگجانی سیکریٹریٹ، تھانہ نون، بہارہ کہو کے اہلکار کو بھی برطرف کیا گیا ہے۔

کارروائی کی وجوہات

اے ایس آئی ظہیر احمد، ہیڈ کانسٹیبل محمد اسحاق، کانسٹیبل وقاص ادریس کو بھی برطرف کردیا گیا۔ برطرف افسران کے خلاف کارروائی محکمانہ خفیہ رپورٹس کی بنیاد پر عمل میں لائی گئی۔ ڈی آئی جی اسلام آباد نے افسران و اہلکاروں کو برطرف کرکے رپورٹ آئی جی کو ارسال کردی۔