امریکا میں گورنر کی رہائش گاہ کو آگ لگا دی گئی،گورنر اور ان کے اہل خانہ محفوظ رہے،ایک مشتبہ شخص گرفتار

پنسلوانیا گورنر کی رہائش گاہ پر آگ

واشنگٹن (آئی این پی) امریکی ریاست پنسلوانیا کے گورنر کی رہائش گاہ کو آگ لگا دی گئی، شدید آتشزدگی سے گھر کے ایک حصے کو نقصان پہنچا، تاہم، گورنر اور ان کے اہل خانہ محفوظ رہے۔

یہ بھی پڑھیں: پاکستانی قوم کی محبت اور حمایت کو کبھی نہیں بھولیں گے : ایرانی سفیر

واقعے کی تفصیلات

غیرملکی میڈیارپورٹس کے مطابق، آگ لگانے کے شبے میں ایک شخص کو گرفتار کر لیا گیا ہے اور واقعے کی تفتیش جاری ہے۔ گورنر ہائوس میں آگ لگانے کے الزام میں 38 سالہ شخص کو گرفتار کیا گیا۔ یہ واقعہ اس وقت پیش آیا جب گورنر جوش شاپیرو، ان کی اہلیہ، چار بچے، دو پالتو کتے اور ایک اور خاندان رہائش گاہ میں موجود تھا۔

یہ بھی پڑھیں: احمد علی بٹ کو حمیرا اصغر کا انٹرویو دوبارہ اپ لوڈ کرنے پر تنقید کا سامنا

آتشزدگی کی صورت حال

پنسلوانیا اسٹیٹ پولیس کے مطابق، آگ رات 2 بجے لگی جسے فائر بریگیڈ نے بجھا دیا، تاہم عمارت کو شدید نقصان پہنچا۔ گورنر شاپیرو کے مطابق تمام افراد کو بحفاظت نکال لیا گیا۔

یہ بھی پڑھیں: عمر ایوب کی اہلیہ کو پارٹی ٹکٹ دیئے جانے پر سوالات کی بوچھاڑ، سلمان اکرم راجہ نے ’’دفاعی محاذ‘‘ سنبھال لیا

ملزم کی گرفتاری

پولیس نے کوڈی بالمر نامی شخص کو حراست میں لیا ہے۔ ضلعی اٹارنی فرانس چارڈو کا کہنا ہے کہ اس پر اقدامِ قتل، دہشتگردی، شدید نوعیت کی آتشزدگی اور سرکاری شخصیت پر حملے کے الزامات عائد کیے جائیں گے۔ ملزم پر وفاقی مقدمات بھی چلائے جا سکتے ہیں۔

یہ بھی پڑھیں: پارا چنار حملہ کیس: راستہ دوسرے ملک سے آتا ہے، دشمن پہچانیں: سپریم کورٹ

خود ساختہ دھماکہ خیز آلات

حکام کے مطابق، ملزم کے پاس خود ساختہ دھماکہ خیز آلات بھی موجود تھے۔ لیفٹیننٹ کرنل جارج بیوینز کا کہنا ہے کہ حملہ منصوبہ بندی کے تحت کیا گیا لیکن اس کی حتمی وجہ معلوم نہیں ہو سکی۔

یہ بھی پڑھیں: ایشیا کپ فائنل؛ محسن نقوی نے کھلاڑیوں کو کھل کر مقابلہ کرنے کا پیغام دیدیا

واقعے کے بعد کی حالت

یہ واقعہ اس وقت پیش آیا ہے جب بالمر ایک اور مقدمے میں عدالت میں پیش ہونے والا تھا۔ اس سے قبل 2016 میں وہ جعلسازی اور دھوکہ دہی کے مقدمے میں بھی مجرم قرار پایا تھا۔ واقعے کے بعد کی تصاویر میں گورنر ہاس کا ایک حصہ مکمل طور پر تباہ نظر آتا ہے۔

گورنر شاپیرو کا رد عمل

فرنیچر جل چکا ہے اور زمین پر راکھ پھیلی ہوئی ہے۔ دیواریں اور چھتیں سیاہ ہو چکی ہیں۔ یہ وہی جگہ ہے جہاں گورنر نے گزشتہ رات پاس اوور (یہودی تہوار) کی تقریب منعقد کی تھی۔ گورنر شاپیرو نے اس واقعے کو پنسلوانیا کے عوام پر حملہ قرار دیا اور کہا کہ اگر حملے کا مقصد انہیں ڈرانا تھا تو وہ مزید محنت سے کام کریں گے۔