دہشتگردوں کی دس نسلیں بھی پاکستان اور بلوچستان کا کچھ نہیں بگاڑ سکتیں:آرمی چیف

آرمی چیف کا مؤقف

اسلام آباد (ڈیلی پاکستان آن لائن) آرمی چیف جنرل سید عاصم منیر نے کہا ہے کہ جب تک اس ملک کے غیور عوام فوج کے ساتھ کھڑے ہیں، فوج ہر مشکل سے نبردآزما ہوسکتی ہے۔ جو بھی پاکستان کی ترقی کی راہ میں حائل ہوگا، ہم مل کر اس رکاوٹ کو ہٹادیں گے۔

یہ بھی پڑھیں: سائیکل صرف چند گھرانوں کے پاس تھے، بیاہ شادی کے موقع پر گڈّے استعمال کیے جاتے تاکہ بچّے اور عورتیں آسانی سے دوسرے گاؤں تک جا سکیں

اوور سیز پاکستانیوں کے جذبات

ڈان نیوز کے مطابق، اسلام آباد میں ہونے والے پہلے اوور سیز پاکستانیز کنونشن سے خطاب کرتے ہوئے، آرمی چیف نے کہا کہ بیرون ملک مقیم پاکستانیوں کے جذبات دیکھ کر بہت متاثر ہوا ہوں اور میں آپ کو یقین دلاتا ہوں کہ آپ کے لئے ہمارے جذبات اس سے بھی زیادہ مضبوط ہیں۔

یہ بھی پڑھیں: آیت اللہ علی خامنہ ای کے بعد ایران میں مزید ضدی نظام آگیا، ٹرمپ بھولا ہے اور اس جنگ میں پھنس چکا ہے، سابق امریکی وزیر دفاع لیون پینیٹا

برین گین کا مفہوم

انہوں نے کہا کہ آپ صرف پاکستان کے سفیر ہی نہیں بلکہ وہ روشنی ہیں جو اقوام عالم پر پڑتی ہے۔ جو لوگ برین ڈرین کا بیانیہ بناتے ہیں، وہ سن لیں کہ یہ برین ڈرین نہیں بلکہ برین گین ہے، اور بیرون مقیم پاکستانی اس کی عمدہ مثال ہیں۔

یہ بھی پڑھیں: اسرائیل ایران پر کسی بھی وقت حملہ کر سکتا ہے، امریکی میڈیا کا دعویٰ

دشمنوں کی ناکامی

جنرل عاصم منیر نے اپنے خطاب میں مزید کہا کہ کیا پاکستان کے دشمنوں کا یہ خیال ہے کہ مٹھی بھر دہشتگرد پاکستان کی تقدیر کا فیصلہ کر سکتے ہیں؟ دہشتگردوں کی دس نسلیں بھی بلوچستان اور پاکستان کا کچھ نہیں بگاڑ سکتیں۔ بلوچستان پاکستان کی تقدیر اور ہمارے ماتھے کا جھومر ہے۔

یہ بھی پڑھیں: کراچی میں انٹرمیڈیٹ پری میڈیکل کے نتائج کا اعلان، پہلی تینوں پوزیشن طالبات کے نام

عزم اور ارادہ

آرمی چیف نے مزید کہا کہ جب تک اس ملک کے غیور عوام فوج کے ساتھ کھڑے ہیں، فوج ہر مشکل سے نبردآزما ہوسکتی ہے۔ شہدا کی لازوال قربانیوں پر کبھی ملال نہیں آنے دیں گے۔ ہم آج یہ واضح پیغام دے رہے ہیں کہ جو پاکستان کی ترقی کی راہ میں حائل ہوگا، ہم مل کر اس رکاوٹ کو ہٹادیں گے۔

یہ بھی پڑھیں: محرم الحرام کے لیے ہنگامی پلان کی تشکیل، فوج و رینجرز کی تعیناتی اور موبائل سگنلز کی بندش کے بارے میں سفارشات طلب

قائداعظم کا خواب

انہوں نے کہا کہ ہم کبھی بھی مشکلات اور دشواریوں کے آگے نہ جھکے ہیں نہ جھکیں گے، پاکستان کو اس مقام پر لے جانا چاہتے ہیں جس کا خواب قائداعظم محمد علی جناح نے دیکھا تھا۔

یہ بھی پڑھیں: گورنر راج جیسے ایڈونچر کی کوشش پر ردعمل انہیں پتا چل جائےگا: وزیراطلاعات خیبر پختونخوا شفیع جان

کشمیر کی اہمیت

آرمی چیف نے کہا کہ کشمیر پاکستان کی شہ رگ تھا، ہے اور رہے گا، اور پاکستانیوں کا دل ہمیشہ غزہ کے فلسطینی بھائیوں کے ساتھ دھڑکتا ہے۔

پاکستان کی ترقی کا سفر

جنرل عاصم منیر نے کہا کہ پاکستان کی ترقی کا سفر جاری رہے گا۔ سوال یہ نہیں کہ پاکستان نے کتنی ترقی کرنی ہے، سوال یہ ہے کہ پاکستان نے کتنی تیزی سے ترقی کرنی ہے۔