پاراچنار میں شٹر ڈاون ہڑتال، شہر جانے والی واحد سڑک کھولنے کا مطالبہ

پارا چنار تاجروں کی شٹر ڈاون ہڑتال

پارا چنار (ڈیلی پاکستان آن لائن) خیبرپختونخوا کے ضلع کرم کے شہر پاراچنار کے تاجروں نے سکیورٹی کی مخدوش صورتحال کے باعث پاراچنار-ٹل روڈ کی کئی ماہ سے بندش کے خلاف شٹر ڈاون ہڑتال کی۔

یہ بھی پڑھیں: سانحہ 9 مئی: حلیم عادل، خرم شیر زمان ودیگر پر فرد جرم عائد

ٹرکوں پر حملوں کا پس منظر

واضح رہے کہ ٹل پاراچنار روڈ (جو شہر کی طرف جانے والا واحد راستہ ہے) 21 نومبر 2024 کو بگن کے علاقے میں ایک قافلے پر حملے کے بعد سے بند ہے، جس کے نتیجے میں 50 سے زائد افراد جاں بحق ہو گئے تھے۔ کئی دہائیوں پرانے زمینی تنازعات کے نتیجے میں شروع ہونے والی جھڑپوں میں کم از کم 130 مزید جانیں چلی گئی تھیں۔

یہ بھی پڑھیں: راکھی دودھ کی دھلی نہیں: متھیرا بھارتی اداکارہ پر سیخ پا

امدادی قافلے نہ آنے کی صورتحال

یکم جنوری کو کئی مہینوں کی جاری کشیدگی کے بعد جنگ بندی کا معاہدہ طے پایا تھا تاہم اس کے باوجود امن قائم نہ ہو سکا۔ امدادی قافلوں، سکیورٹی اہلکاروں اور سرکاری حکام پر حملے جاری رہنے کے بعد اس معاہدے کو دھچکا لگا۔

یہ بھی پڑھیں: کراچی میں اسکول کی 8ویں منزل سے نوجوان نے مبینہ طور پر چھلانگ لگا کر خودکشی کرلی

تاجروں کا مطالبہ

ٹریڈ یونین کے صدر حاجی امداد علی نے ڈان کو بتایا کہ سڑک کو دوبارہ کھولنے اور اسے سفر و تجارت کے لئے محفوظ بنانے کے مطالبے پر زور دینے کے لئے شٹر ڈاون ہڑتال کی. انہوں نے کہا کہ شہری خوراک و علاج نہ ملنے سے مر رہے ہیں کیونکہ ان کے پاس ادویات نہیں ہیں اور وہ علاج کے لئے پشاور نہیں جا سکتے۔

یہ بھی پڑھیں: ہم نے خاص و عام کے چکر میں ملک کا کیا حال کر دیا ہے، پسینے چھوٹ رہے تھے، ڈچ خاتون افسر نے ایسی بات کہہ ڈالی جو آج بھی ذہن سے نکل نہیں سکی

ہنگو کی صورتحال

امداد علی نے کہا کہ 27 مارچ (عید الفطر سے قبل) سے اب تک پاراچنار میں کوئی امدادی قافلہ نہیں آیا، انہوں نے مزید کہا کہ سپلائی سے لدے 300 سے زائد ٹرک ضلع ہنگو کے ٹل اور دوآبہ شہروں کے درمیان گزشتہ کئی ہفتوں سے پاراچنار جانے کی اجازت کے منتظر ہیں۔

یہ بھی پڑھیں: کے پی حکومت ایسے کام نہ کرے جس سے گورنر راج کی نوبت آئے: سردار سلیم حیدر

بڑھتے ہوئے اخراجات

انہوں نے دعویٰ کیا کہ تاجر اپنا سامان پاراچنار لے جانے کے لئے ایک گاڑی کا کرایہ 10 لاکھ روپے سے زیادہ ادا کر رہے ہیں۔ مزید کہا کہ ہنگو میں سڑکوں پر گاڑیاں ہفتوں تک کھڑی ہیں، جن پر ہمیں یومیہ 10 ہزار روپے کا خرچہ آتا ہے۔

یہ بھی پڑھیں: پنجاب حکومت کا گندم، آٹا اور روٹی کے نرخ برقرار رکھنے کے لئے سخت اقدامات کا فیصلہ

ٹریڈ یونین کی مشترکہ پریس کانفرنس

پاراچنار میں تاجروں اور دکانداروں کے ہمراہ ٹریڈ یونین کے رہنما حاجی امداد علی، حاجی اصغر حسین ، یوسف حسین ، لیاقت کاکا جعفر حسین اور دیگر رہنماوں نے مشترکہ پریس کانفرنس بھی کی۔ تاجر رہنماوں نے کہا کہ کانوائے میں ٹرکوں کو شامل کرنے کیلئے بھاری رقم لی جا رہی ہے۔

یہ بھی پڑھیں: علی امین گنڈا پور نے بشریٰ بی بی کے اکیلے چھوڑے جانے کے دعوے کی تردید کردی

سول شہریوں کا احتجاج

رہنماوں نے کہا کہ راستوں کی طویل بندش سے شہری اور کاروباری لوگ تنگ آ گئے ہیں۔ امن معاہدہ طے پانے اور فریقین کے عمائدین کی جانب سے راستے کھولنے کے اعلان کے باوجود بعض حکام اپنے مفادات کے لئے راستے نہیں کھول رہے ہیں۔

یہ بھی پڑھیں: سندھ کا عجیب توہم پرست گاؤں جہاں کرسی اور چارپائی پر بیٹھنے کی اجازت نہیں

مفادات کا کھیل

تاجر رہنماوں کا کہنا تھا کہ بدامنی مافیا کے مخصوص لوگوں کے لئے منافع بخش کاروبار بن گیا ہے اور شہری خوراک و علاج نہ ملنے سے مر رہے ہیں۔ رہنماوں نے مطالبہ کیا کہ چیک پوسٹوں پر لوگوں کو تنگ کرنے کا سلسلہ بند کیا جائے۔

یہ بھی پڑھیں: اسرائیلی کے لیے جاسوسی کے الزام میں ایران میں 22 افراد گرفتار

احتجاج جاری رکھنے کا فیصلہ

تاجر رہنماوں نے راستے کھولنے تک احتجاج جاری رکھنے کا فیصلہ کیا ہے جبکہ ضلعی انتظامیہ کا کہنا ہے کہ راستے کھولنے اور قیام امن کے لئے اقدامات جاری ہیں۔

یہ بھی پڑھیں: حمیر ااصغر کے موبائل پر 6 فروری کو سرگرمی ریکارڈ کی گئی، اداکارہ کے سٹائلسٹ دانش کا دعویٰ

امن معاہدے کی تفصیلات

گزشتہ ماہ کے آخر میں کرم میں قبائلی رہنماوں نے عید الفطر سے قبل 8 ماہ کے امن معاہدے پر اتفاق کیا تھا۔ یہ معاہدہ ایسی وقت سامنے آیا تھا، جب حکومت خیبرپختونخوا نے فروری میں کرم میں عسکریت پسندوں کے خلاف ایک نئے آپریشن کا اعلان کیا تھا۔

پاراچنار ایئرپورٹ کی صورتحال

پاکستان ایئرپورٹ اتھارٹی اور پاکستان انٹرنیشنل ایئرلائنز کی ٹیموں نے پاراچنار ایئرپورٹ کی تجارتی اور انسانی بنیادوں پر پروازوں کے لئے آپریشنل فزیبلٹی کا بھی جائزہ لیا تھا۔