پی ڈی ایم اے پنجاب نے گرد آلود ہواؤں اور گرج چمک کے ساتھ بارش کی پیشگوئی کر دی

پنجاب میں موسمی الرٹ

لاہور (ڈیلی پاکستان آن لائن) پی ڈی ایم اے پنجاب نے رواں ماہ درجہ حرارت میں اضافے اور بارشوں کا الرٹ جاری کردیا ہے۔ 16 اپریل سے 20 اپریل تک پنجاب کے بیشتر اضلاع میں گرد آلود ہوائیں اور گرج چمک کے ساتھ بارش کی اطلاعات ہیں۔

موسمی پیشگوئی

راولپنڈی، مری، گلیات، اٹک، چکوال، منڈی بہاوالدین، گجرات، جہلم، گوجرانوالہ میں تیز ہواؤں کے ساتھ بارش کی پیشگوئی کی گئی ہے۔ لاہور، قصور، سیالکوٹ، نارووال، اوکاڑہ، فیصل آباد، ٹوبہ ٹیک سنگھ، جھنگ، خوشاب، سرگودھا اور میانوالی میں آندھی و بارشوں کے امکانات بڑھ رہے ہیں۔

آئندہ کی صورتحال

رواں ماہ کے اختتام پر پنجاب کے میدانی علاقوں میں گرمی کی شدت میں اضافہ ہونے کا امکان ہے۔

پی ڈی ایم اے کی جانب سے ہدایات

ڈائریکٹر جنرل پی ڈی ایم اے عرفان علی کاٹھیا کا کہنا ہے کہ وزیر اعلیٰ پنجاب کی ہدایت پر ضلعی انتظامیہ کو الرٹ جاری کیا جا چکا ہے۔ عوام الناس کو گرمی اور لو کی شدت میں احتیاط برتنے کی ہدایت کی گئی ہے۔

متاثرہ محکموں کو الرٹ

بسکول ایجوکیشن، محکمہ صحت، آبپاشی، تعمیر و مواصلات، لوکل گورنمنٹ اور لایئو اسٹاک کو الرٹ جاری کر دیا گیا ہے۔ انفارمیشن ڈیپارٹمنٹ، واسا، پنجاب پولیس اور سول ڈیفنس بھی موسمی صورتحال کے پیش نظر الرٹ ہیں۔

عوام کی حفاظتی تدابیر

شہریوں کو آسمانی بجلی سے تحفظ کے لیے محفوظ مقامات پر رہنے کی ہدایت کی گئی ہے۔ عوام الناس کو بارش، بجلی کی گرج چمک اور طوفانی صورتحال میں کھلے آسمان تلے جانے سے منع کیا گیا ہے۔ ایمرجنسی صورتحال میں پی ڈی ایم اے کی ہیلپ لائن پر رابطہ کرنے کی درخواست کی گئی ہے۔