حکومت کا عالمی سطح پر پیٹرولیم مصنوعات کی قیمتوں میں کمی کا فائدہ عوام کو منتقل نہ کرنے کا فیصلہ

وزیراعظم کی پٹرول کی قیمتوں میں تبدیلی کا اعلان

اسلام آباد (ڈیلی پاکستان آن لائن) وزیراعظم شہباز شریف نے کہا ہے کہ عالمی منڈیوں میں تیل کی قیمت میں اتار چڑھاؤ جاری ہے اور اس کے نتیجے میں آج پٹرول کی قیمت کم ہونے جا رہی ہے تاہم یہ فائدہ عوام کو نہیں دیں گے اور یہ پیسہ عوام کے مسائل پر مرہم پٹی کرنے کے لیے استعمال کریں گے۔

یہ بھی پڑھیں: پاک فوج کا پُرتشدد ہجوم سے براہ راست کوئی ٹکراؤ نہیں ہوا: وزارت داخلہ کا اعلامیہ جاری

کابینہ اجلاس کے دوران خطاب

وزیراعظم شہباز شریف نے وفاقی کابینہ کے اجلاس میں خطاب کرتے ہوئے کہا کہ صدر مملکت پچھلے دنوں علیل تھے، میں نے ان کی خیریت دریافت کی تھی، الحمدللہ وہ اب خیریت سے ہیں اور گھر چلے گئے ہیں۔

یہ بھی پڑھیں: جنرل ساحر شمشاد کی قطر کے نائب وزیراعظم اور وزیر دفاع سے ملاقاتیں

عالمی منڈیوں میں تیل کی قیمتوں کا اتار چڑھاؤ

شہباز شریف نے کہا کہ اب ایک موقع پھر آیا ہے کہ عالمی منڈیوں میں تیل کی قیمتیں نیچے گئی ہیں، حالیہ قیمتوں میں کمی یوکرین کی جنگ بند ہونے سے متعلق خبروں یا ابھی ٹیرف لگنے کی وجہ سے بھی ہو رہی ہے۔

پٹرول کی قیمت میں کمی کا اعلان

وزیراعظم نے کہا کہ آج 15 اپریل ہے اور آج تیل اور پٹرول کی قیمت کم ہونے جا رہی ہیں، اس کا اعلان جلد کیا جائے گا۔ انہوں نے کہا کہ جو کمی آرہی ہے اس کو روکنے کا سوچا ہے تاکہ قوم کے زخموں کی مرہم پٹی کی جاسکے۔ اس سلسلے میں ہم نے بڑی سوچ و بچار کے بعد طے کیا ہے کہ کراچی، قلات، خضدار، کوئٹہ اور چمن کے سنگل روڈ کو خونی روڈ کہا جاتا ہے لیکن فنڈز کے بغیر یہ مکمل نہیں ہوگا۔