غیر ملکی فوڈ چین کی برانچ پر حملہ کرنے والے گرفتار ملزمان کی تصاویر بھی سامنے آ گئیں

راولپنڈی میں حملے کی تفصیلات

راولپنڈی(ڈیلی پاکستان آن لائن) غیر ملکی فوڈ چین کی برانچ پر حملہ کرنے والے گرفتار ملزمان کی تصاویر بھی سامنے آگئیں۔

یہ بھی پڑھیں: پنجاب میں ترقیاتی اسکیموں کے لیے 112 ارب روپے کے فنڈز منظور

حملے کی نوعیت

غیر ملکی فوڈ چین کے ریسٹورنٹ میں ڈنڈا بردار ملزمان نے داخل ہوکر توڑپھوڑ اور ہنگامہ آرائی کی تھی۔ اس دوران خواتین، بچوں اور ریسٹورینٹ کے عملے کو ہراساں کیا گیا تھا۔ اس کے علاوہ مشتعل افراد نے ریسٹورینٹ کے عملے کو سنگین نتائج کی دھمکیاں بھی دیں اور بیہودہ زبان استعمال کرتے رہے۔

پولیس کی کارروائی

واقعے کے بعد تھانہ کینٹ پولیس نے ہنگامہ آرائی کرنے والے افراد کے خلاف مقدمہ درج کیا تھا۔ 4 افراد کی شناخت کرکے 3 ملزمان کو گرفتار کر لیا گیا۔ ترجمان پولیس کا کہنا ہے کہ قانون کی خلاف ورزی اور ہنگامہ آرائی کرنے والوں سے آہنی ہاتھوں سے نمٹا جائے گا۔