ہوٹل میں ملاقاتیں اور تنہائیاں، شادی کا جھانسہ دے کر خاتون سے زیادتی اور پھر بلیک میل کرنے والا ملزم گرفتار کرلیا گیا

لاہور: خاتون سے جنسی زیادتی اور بلیک میلنگ

لاہور (آئی این پی) لاہور میں شادی کا جھانسہ دے کر خاتون سے جنسی زیادتی اور بلیک میل کرنے والا ملزم گرفتار کرلیا گیا۔

واقعے کی تفصیلات

رپورٹ کے مطابق لاہور اقبال ٹائون کی رہائشی خاتون نے 15ایمرجنسی ہیلپ لائن پر کال کی اور بتایا کہ ملزم نے شادی کا جھانسہ دے کر اعتماد حاصل کیا اور تنہائی میں ملنے کے لئے بلایا۔ ملزم نے مقامی ہوٹل میں بلا کر نشہ آور چیز دی اور زیادتی کا نشانہ بنایا۔

پولیس کی کارروائی

ترجمان پنجاب پولیس کے مطابق ورچوئل ویمن پولیس اسٹیشن نے فوری کارروائی کرتے ہوئے پولیس کو موقع پر بھجوایا۔ پولیس نے خاتون کو تحفظ فراہم کیا اور ملزم کو گرفتار کرکے مقدمہ درج کر لیا۔

ملزم کی معلومات

خاتون کے مطابق ملزم دبئی میں مقیم تھا اور عارضی طور پر پاکستان آیا ہوا تھا۔ ترجمان نے کہا کہ ورچوئل ویمن پولیس اسٹیشن سے اب تک ساڑھے 3لاکھ سے زائد خواتین مدد حاصل کر چکی ہیں۔

ورچوئل ویمن پولیس اسٹیشن کی اہمیت

ترجمان سیف سٹی نے کہا کہ ورچوئل ویمن پولیس اسٹیشن خواتین کا قابلِ اعتماد پلیٹ فارم بن چکا ہے۔ خواتین 15پر کال کرکے 2دبا کر ورچوئل ویمن پولیس اسٹیشن سے مدد حاصل کر سکتی ہیں۔