لائسنس بنوانے آیا شہری موٹرسائیکل سے ہی ہاتھ دھو بیٹھا

موٹر سائیکل چوری کا واقعہ

راولپنڈی (آئی این پی) راولپنڈی میں لائسنس بنوانے کے دوران ٹریفک پولیس کے دفتر کے باہر سے شہری کی موٹر سائیکل چوری ہوگئی۔

یہ بھی پڑھیں: شارجہ کی معروف سماجی و کاروباری شخصیت غلام قادر راجہ کے اعزاز میں عشائیہ

تفصیلات

تفصیلات کے مطابق چیکنگ کے دوران لائسنس نہ ہونے پر سٹی ٹریفک پولیس کا وارڈن موٹر سائیکل سوار کو لائسنس بنوانے کے لیے ٹریفک آفس لیکر گیا تو سڑک پر پارک اسی شہری کی موٹر سائیکل چوری ہوگئی۔ چوری ہونے والی موٹر سائیکل 2 لاکھ روپے سے زائد مالیت کی تھی جس پر شہری سخت پریشان ہوگیا۔

یہ بھی پڑھیں: توشہ خانہ کیس، بشریٰ بی بی کی ضمانت منظور

شکایت کا اندراج

تھانہ ریس کورس کو مقدمہ درج کرواتے ہوئے ڈھوک چوہدریاں کے رہائشی ملک نقاش نے بتایا کہ موٹر سائیکل نمبر CXQ58 پر دن دو بجے کے قریب قاسم مارکیٹ کے قریب سے گزر رہا تھا کہ جہانگیر نامی ٹریفک وارڈن نے روکا اور لائسنس کا پوچھا۔ جس پر میں نے بتایا کہ نہیں ہے تو وہ مجھے لرنر لائسنس بنوانے کے لیے ٹریفک پولیس کے لائسنس آفس لے گیا۔ واپس آیا تو جس جگہ موٹر سائیکل کھڑی کی تھی، وہ موجود نہیں تھی۔

یہ بھی پڑھیں: سندھ حکومت کی موثر پالیسی کے باعث دہشتگردی کو کنٹرول کیا گیا: مراد علی شاہ

پولیس کی کارروائی

شہری کی درخواست پر پولیس نے مقدمہ درج کر لیا ہے۔ رابطہ کرنے پر متاثرہ شہری ملک نقاش نے مزید بتایا کہ جس جگہ ٹریفک وارڈن نے مجھے روکا، وہاں اور بھی وارڈنز و شہری کھڑے تھے، لیکن وارڈن مجھے موٹر سائیکل پر لائسنس بنوانے ساتھ لے گیا۔ موٹر سائیکل باہر ہی سڑک کنارے کھڑا کروایا جس پر میں نے ان سے کہا بھی کہ موٹر سائیکل کسی محفوظ جگہ پارک کرنے دیں، لیکن وارڈن نے کہا کہ کچھ نہیں ہوتا جس پر بمشکل موٹر سائیکل کو ہینڈل لاک ہی لگا پایا اور اسکے ساتھ چل دیا۔

متاثرہ شہری کا بیان

شہری کا کہنا تھا کہ خود پارکنگ کا کام کرتا ہوں، دو لاکھ روپے کا نیا موٹر سائیکل تھا۔ قریبی سی سی ٹی وی کیمروں کی فوٹیج نکلوا کر سب کچھ دیکھ لیا جائے اور موٹر سائیکل برآمد کروایا جائے۔ واقعے پر رابطہ کرنے پر ایس ایچ او ریس کورس انسپکٹر چوہدری جمیل کا کہنا تھا کہ موٹر سائیکل چوری کا مقدمہ درج کر لیا ہے، تفتیش اور تلاش میں مصروف ہیں۔