دورہ پاکستان ، کیا واقعی امریکی ارکان کانگریس کے وفد نے عمران خان سے متعلق کوئی بات کی ہے؟ حقیقت سامنے آگئی

امریکی وفد اور پاکستان کے سیاسی معاملات

اسلام آباد (آئی این پی) سپیکر قومی اسمبلی سردار ایاز صادق نے واضح کیا ہے کہ امریکی ارکان کانگریس کے وفد نے بانی پی ٹی آئی سے متعلق کوئی بات نہیں کی اور تینوں ارکان نے کہا کہ پاکستان کے سیاسی معاملات سے امریکا کا کوئی تعلق نہیں۔

یہ بھی پڑھیں: میرے 600 مہمانوں کو کھانا کھلاؤ ورنہ شادی کینسل

مذاکرات اور بات چیت کی اہمیت

میڈیا سے گفتگو کرتے ہوئے سپیکر قومی اسمبلی سردار ایاز صادق نے کہا کہ میں مذاکرات کا مکمل حامی ہوں اور اس کے لئے سنجیدہ کوششیں بھی کی ہیں ، ہمیشہ سے خواہش رہی ہے کہ ایوان میں وقفہ سوالات کو مکمل کیا جائے لیکن چند لوگ کارروائی میں خلل ڈالتے ہیں جو خود اپوزیشن والوں کے قابو میں بھی نہیں۔ اسپیکر قومی اسمبلی کا کہنا تھا کہ ہر معاملے کو بات چیت کے ذریعے حل کیا جا سکتا ہے۔

یہ بھی پڑھیں: ہونڈا کا پاکستان میں ہائبرڈ الیکٹرک وہیکل متعارف کرانے کا فیصلہ، منصوبہ بندی شروع

اپوزیشن کی سیاست پر تنقید

سردار ایاز صادق کا کہنا تھا کہ اپوزیشن ہر معاملے پر سیاست کرتی ہے، اپوزیشن نے امریکی کانگریس وفد کے دورہ پاکستان پر بھی سیاست کی جبکہ امریکی وفد نے بانی پی ٹی آئی کا کوئی ذکر نہیں کیا اور واضح کیا پاکستان کے سیاسی معاملات سے انکا کوئی تعلق نہیں۔

عوامی مسائل اور اسمبلی اجلاس

انہوں نے کہا کہ اسمبلی اجلاس کے دوران وقفہ سوالات میں عوامی اہمیت اور ان کے مسائل پر سوال ہوتے ہیں، اپوزیشن کو ایوان چلانے کیلئے سنجیدہ کوشش کرنا ہوگی۔