57 سالہ ارباز خان اور اہلیہ شورا کے گھر جلد بچے کی پیدائش کی خبریں زیر گردش

ارباز خان کے ہاں پہلا بچہ

ممبئی (ڈیلی پاکستان آن لائن) بالی وڈ کے 57 سالہ پروڈیوسر اور اداکار ارباز خان اور 35 سالہ میک اپ آرٹسٹ شورا کے ہاں پہلے بچے کی جلد پیدائش کی خبریں زیر گردش ہیں۔

یہ بھی پڑھیں: پنجاب پبلک سروس کمیشن نے 4محکموں میں مختلف اسامیوں کے حتمی نتائج کا اعلان کر دیا

شادی کی تفصیلات

تفصیلی کے مطابق، ارباز خان کی شورا خان سے شادی 24 دسمبر 2023 کو ممبئی میں بہن ارپتا کے گھر ہوئی۔ اس تقریب میں خان فیملی اور قریبی دوستوں نے شرکت کی۔ یہ سلمان خان کے بھائی کی دوسری شادی ہے؛ اس سے قبل انہوں نے 1998 میں معروف رقاصہ ملائیکہ اروڑہ سے شادی کی تھی، جو 2017 میں طلاق پر ختم ہوئی، اور ان کے ایک بیٹے بھی ہیں۔

یہ بھی پڑھیں: قومی وائٹ بال کوچ گیری کرسٹن پی سی بی کو بلیک میل کرنے لگ گئے؟

پہلے بچے کی خبر

ان خبروں کا سلسلہ اس وقت شروع ہوا جب بھارتی انٹرٹینمنٹ ویب سائٹ 'پنک وِلا' نے اپنے انسٹاگرام اکاؤنٹ پر ایک ویڈیو شیئر کی جس میں دعویٰ کیا گیا کہ ارباز اور شورا ایک میٹرنیٹی کلینک سے نکل رہے ہیں۔ اداکار کے ہاتھ میں ایک فائل بھی پکڑی دیکھی گئی ہے۔

ویڈیو کی تفصیلات

ویڈیو پر کیپشن درج تھا کہ 'ارباز اور شورا کے ہاں پہلے بچے کی آمد متوقع ہے'۔ تاہم اس حوالے سے جوڑے یا خاندان میں سے کسی نے کوئی بیان جاری نہیں کیا۔