پی ایس ایل میں زیادہ ففٹیز فخر نے رضوان کو پیچھے چھوڑ دیا

لاہور قلندرز کے فخر زمان کا نیا ریکارڈ

لاہور (آئی این پی) پاکستان سپر لیگ (پی ایس ایل) میں لاہور قلندرز کے جارح مزاج اوپنر فخر زمان نے لیگ میں سب سے زیادہ ففٹیز کے ریکارڈ میں رضوان کو پیچھے چھوڑ دیا۔

یہ بھی پڑھیں: بیلا روس کے صدر کا دورہ پاکستان طے

فخر زمان کی شاندار کارکردگی

لاہور قلندرز کے اوپنر فخر زمان نے نیشنل بینک اسٹیڈیم میں کراچی کنگز کے خلاف پی ایس ایل کیریئر کی 21ویں ففٹی اسکور کی، جس کے بعد انہوں نے سب سے زیادہ ففٹیز کے ریکارڈ میں محمد رضوان کو پیچھے چھوڑ دیا۔ انہوں نے 46 گیندوں پر 76 رنز کی اننگز کھیلی جس میں 6 چوکے اور 5 چھکے شامل تھے۔

یہ بھی پڑھیں: بہترین پلیئنگ الیون تشکیل دینے کیلئے اچھے کھلاڑی تلاش کر رہے ہیں، محمد رضوان کی پریس کانفرنس

محمد رضوان کا ریکارڈ

ملتان سلطانز کے کپتان محمد رضوان بھی اب تک 20 پی ایس ایل ففٹیز بنا چکے ہیں، تاہم فخر 21 نصف سینچریوں کے ساتھ دوسرے سب سے زیادہ ففٹیز بنانے والے بلے باز بن چکے ہیں۔ لیگ میں سب سے زیادہ نصف سنچریوں کا ریکارڈ پشاور زلمی کے کپتان بابر اعظم کے پاس ہے، جو اب تک 33 مرتبہ 50 کے ہندسے کو عبور کر چکے ہیں۔