انوائرمنٹل اپرول مینجمنٹ سسٹم اور گاڑیوں کیلئے ایمیشن ٹیسٹنگ سسٹم لانچ، بلیو سکواڈ آبی ذخائرکو محفوظ رکھنے کا ذمہ دار قرار
وزیراعلیٰ پنجاب کا نیا اقدام
لاہور (ڈیلی پاکستان آن لائن) وزیراعلیٰ پنجاب مریم نواز نے پاکستان کے پہلے اور منفرد انوائرمنٹ پروٹیکشن فورس سکواڈ کی بنیاد رکھ دی ہے۔ وزیراعلیٰ نے انوائرمنٹ پروٹیکشن فورس کی پہلی پاسنگ آؤٹ پریڈ میں شرکت کی۔ انہوں نے انوائرمنٹل اپرول مینجمنٹ سسٹم اور گاڑیوں کے لیے ایمیشن ٹیسٹنگ سسٹم لانچ کیا۔ ایمیشن ٹیسٹ سسٹم کے تحت جانچ پڑتال کے بعد وزیراعلیٰ مریم نواز نے اپنی گاڑی پر پہلا ای ٹی ایس سٹیکر بھی لگایا۔
یہ بھی پڑھیں: فیض حمید پر چارج شیٹ فوج کا اندرونی معاملہ ہے، پی ٹی آئی کا رد عمل
انوائرمنٹ پروٹیکشن اتھارٹی کی افتتاحی تقریب
وزیراعلیٰ پنجاب مریم نواز نے انوائرمنٹ پروٹیکشن اتھارٹی کے جھنڈے کی پرچم کشائی کی۔ سینئر صوبائی وزیر مریم اورنگزیب نے انوائرمنٹ پروٹیکشن فورس کے اقدامات پر تفصیلی روشنی ڈالی اور ای ایم ایس سسٹم سے آگاہ کیا۔ انوائرمنٹ پروٹیکشن فورس کا ای بائیکس سکواڈ ایک ماحول دوست یونٹ کے طور پر کام کرے گا۔ گرین سکواڈ شہری علاقوں میں اینٹی پلاسٹک کمپین، ڈسٹ اور ڈینگی کنٹرول کے لیے کام کرے گا۔
یہ بھی پڑھیں: قصور: ہسپتال میں وارڈ بوائے کی 15 سالہ لڑکی کے ساتھ مبینہ اجتماعی زیادتی
انوائرمنٹ پروٹیکشن فورس کے مختلف سکواڈز
انوائرمنٹ پروٹیکشن فورس کا بلیو سکواڈ آبی ذخائر کو محفوظ بنانے کے لیے کوشاں ہوگا۔ گاڑیوں کے فیول کی ٹیسٹنگ اور زہریلے دھویں کے خلاف بلیک سکواڈ کا کردار بھی اہم ہوگا۔ انوائرمنٹ پروٹیکشن فورس کا ریڈ سکواڈ صنعتی علاقوں اور ہسپتالوں میں مضر صحت مواد سے بچاؤ کے لیے کام کرے گا۔ ہاک آئی سکواڈ 360 ڈگری لائیو کیمرہ بردار گاڑیوں اور اندھیرے میں دیکھنے والے 11 تھرمل ڈرون کے ساتھ ماحولیاتی نگرانی کرے گا۔
یہ بھی پڑھیں: کانگو میں کشتی میں آگ لگنے سے ہلاک افراد کی تعداد 148 ہو گئی
خصوصی مانیٹرنگ اور نگرانی سکواڈز
ماحولیاتی خطرات سے بچاؤ کے لیے خصوصی اربن پٹرولنگ اینڈ ویجیلینس سکواڈ متعین کیا گیا ہے۔ انوائرمنٹ پروٹیکشن فورس کا برک کلن سکواڈ 8 خصوصی ڈبل کیبن گاڑیوں پر بھٹوں کی نگرانی کرے گا۔ اینٹی پلاسٹک اور فیوجیٹو ڈسٹ سکواڈ پلاسٹک اور ڈسٹ آلودگی کے خاتمے کے لیے کوششیں کرے گا۔ پوائنٹ سورس پلوشن مانیٹرنگ سکواڈ ماحولیاتی آلودگی پھیلانے والے عناصر کی مانیٹرنگ کرے گا۔ موبائل ایئر کوالٹی مانیٹرنگ سٹیشن کے ذریعے متعلقہ علاقوں میں ایئر کوالٹی پر چیک رکھا جائے گا۔
تقریب کے بعد وزیراعلیٰ کا پیغام
وزیراعلیٰ مریم نواز تقریب کے بعد انوائرمنٹ فورس کے پاس گئیں اور انوائرمنٹ پروٹیکشن فورس کے نوجوان بچوں اور بچیوں کی کوششوں کو سراہا۔
