بابر اعظم کے لیے کس بیٹنگ پوزیشن پھر کھیلنا بہتر ہے؟ تجربہ کار بیٹر محمد یوسف نے بتا دیا۔

محمد یوسف کا بیٹینگ کی پوزیشن کے بارے میں مشورہ

لاہور(ڈیلی پاکستان آن لائن) سابق پاکستانی کرکٹر محمد یوسف نے کہا ہے کہ بابر اعظم کے لیے یہ بہتر ہوگا کہ وہ اوپننگ کے بجائے چوتھے نمبر پر بیٹنگ کریں۔ سماء کے پروگرام "زور کا جوڑ" میں گفتگو کرتے ہوئے محمد یوسف نے کہاکہ یہ وقت بابر اعظم کی حمایت کا نہیں، کیونکہ یہ خود بابر کے لیے اچھا نہیں ہوگا، میں نے بطور سلیکٹر یہ رائے دی تھی کہ بابر اعظم کو آرام دیا جائے۔

یہ بھی پڑھیں: ملک بھر میں سیمنٹ کی قیمت میں معمولی کمی

پی ایس ایل کی کارکردگی اور قومی ٹیم کا انتخاب

ایک روز قبل جمعرات کو محمد یوسف نے یہ بھی کہا کہ پاکستان سپر لیگ (PSL) میں کارکردگی کو قومی ٹیم کے انتخاب کا معیار نہیں بنانا چاہیے۔ انہوں نے کہا مجھے معلوم نہیں کہ عثمان خان کو کس بنیاد پر قومی ٹیم میں شامل کیا گیا، حالانکہ انہوں نے گزشتہ پی ایس ایل ایڈیشن میں اچھی کارکردگی دکھائی تھی۔

سلیکشن کے اصول اور نیشنل کرکٹ اکیڈمی

محمد یوسف نے واضح کیا کہ PSL کی بنیاد پر قومی ٹیم کے لیے کھلاڑیوں کا انتخاب درست معیار نہیں ہے۔ انہوں نے مزید کہا "اگر کسی کھلاڑی میں صلاحیت ہو تو اُسے پہلے نیشنل کرکٹ اکیڈمی بھیجا جائے، وہاں اس پر کام کیا جائے اور پھر فرسٹ کلاس کرکٹ میں موقع دیا جائے۔" یوسف کے ان بیانات نے قومی کرکٹ کے سلیکشن طریقۂ کار پر نئی بحث چھیڑ دی ہے۔