پنجاب میں مصنوعی انسانی اعضاء کی ٹیکنالوجی ”بایونکس“ کا آغاز،وزیراعلیٰ مریم نوازنے6سالہ بچے کو مصنوعی بازو لگوادیئے

پنجاب میں بایونکس ٹیکنالوجی کا آغاز

لاہور (ڈیلی پاکستان آن لائن) پنجاب میں پہلی مرتبہ سرکاری سطح پر جدید ترین مصنوعی انسانی اعضاء کی ٹیکنالوجی "بایونکس" کا آغاز کیا گیا۔ "بایونکس" ٹیکنالوجی سے بنے مصنوعی اعضاء میں دماغ کے سگنل کے مطابق حرکت کرنے کی صلاحیت ہوتی ہے۔ پنجاب "بایونکس" ٹیکنالوجی کے ذریعے معذور افراد کی بحالی اور ان کی زندگیوں کو عام افراد کی طرح فعال بنانے کی صلاحیت رکھنے والا پاکستان کا پہلا صوبہ بن گیا۔ "بایونکس" دنیا کی مہنگی ترین ٹیکنالوجی ہے۔

یہ بھی پڑھیں: مولانا فضل الرحمان کو آئینی ترمیم کا حتمی مسودہ دے دیا گیا

وزیراعلیٰ کی جانب سے سہیل کے لیے خصوصی اقدام

وزیراعلیٰ مریم نواز نے 6 سالہ سہیل کو "بایونکس" ٹیکنالوجی کے مصنوعی بازو لگوادیئے۔ وزیراعلیٰ مریم نواز کرنٹ لگنے سے کہنی کے نیچے بازو سے محروم سہیل کو سٹیج پر خود لے کر آئیں۔ دماغ سے خودکار سگنل ملنے پر حرکت کرنے والے بازو کی تنصیب سے ننھے سہیل کی زندگی بدل گئی۔ کمسن سہیل نے حادثے کے بعد پہلی مرتبہ اپنے دونوں ہاتھوں کو حرکت دی، وزیراعلیٰ کے کہنے پر تالیاں بجا کر اظہار مسرت کیا۔

یہ بھی پڑھیں: کسان کارڈ زرعی ترقی کیلئے گیم چینجر ثابت ہو گا، پورٹل پر کتنی لاکھ درخواستیں موصول ہوئیں؟ اہم اعدادوشمار جاری

حوصلہ افزائی اور محبت کا لمحہ

وزیراعلیٰ مریم نواز نے ننھے سہیل سے ہاتھ ملا کر ہائی فائیو کیا اور ان کی حوصلہ افزائی کی۔ وزیراعلیٰ نے کمسن سہیل کو اپنے ساتھ سٹیج سے واپس لایا اور سپیشل افراد کے لیے معاون آلات کے سب سے بڑے پراجیکٹ کا افتتاح کردیا۔ وزیراعلیٰ مریم نواز نے خودکار وہیل چیئر، پیڈز وہیل چیئر، ٹرائی وہیل سکوٹی اور دیگر معاون آلات فراہم کیے اور سہیل کی حوصلہ افزائی کی۔

یہ بھی پڑھیں: مردان: اراضی تنازع پر فائرنگ، میاں بیوی اور بیٹا قتل

تقریب میں خصوصی افراد کی شرکت

تقریب میں پنجاب بھر سے 300 سے زائد سپیشل افراد نے شرکت کی۔ تقریب میں آمد پر دو پیاری خاص بچیوں عائزہ اور عائشہ نے وزیراعلیٰ مریم نواز کا خیر مقدم کیا اور گلدستے پیش کیے۔ وزیراعلیٰ تقریب میں سپیشل افراد کے درمیان بیٹھ گئیں اور ننھے بچے کو ساتھ بٹھا لیا اور پیار کیا۔ قوت گویائی سے محروم بچوں نے تقریب میں قومی ترانے، ترجمہ تلاوت کو اشاروں کی زبان میں بیان کیا۔

پراجیکٹ کی تفصیلات

صوبائی وزیر سہیل شوکت بٹ نے تقریب سے خطاب میں پراجیکٹ کی تفصیلات سے آگاہ کیا۔ صوبہ بھر میں سپیشل افراد کو ایک ارب کے مصنوعی اعضا، آلات سماعت، وہیل چیئر اور دیگر آلات مفت دیے جائیں گے۔ سپیشل افراد کو مینوئل وہیل چیئر، رولیٹر، ٹرائی سائیکل، الیکٹرک اور موٹرائزڈ وہیل چیئر فراہم کیے جائیں گے۔ ٹرائی موٹر سائیکل، واکنگ واکر، فریم موبائل ٹائلٹ چئیر، پیڈز وہیل چیئر، اور کنٹرولڈ وہیل چیئر بھی دی جائیں گی۔ سپیشل افراد کو ضرورت کے مطابق آلۂ سماعت اور مصنوعی اعضاء بھی مفت فراہم کیے جائیں گے۔