ڈیجیٹل ٹیکنالوجی کے استعمال کا معمر افراد کے لیے بڑا فائدہ سامنے آگیا

ڈیجیٹل ٹیکنالوجی اور ذہنی صحت

واشنگٹن (ڈیلی پاکستان آن لائن) بیلر یونیورسٹی کے محققین نے ایک نئی تحقیق میں انکشاف کیا ہے کہ ڈیجیٹل ٹیکنالوجی کا استعمال معمر افراد میں ذہنی کمزوری یا نسیان (ڈیمنشیا) کے خطرے کو نمایاں حد تک کم کر سکتا ہے۔ یہ تحقیق "نیچر ہیومن بیہیویئر" نامی جریدے میں شائع ہوئی ہے جس میں بتایا گیا کہ ٹیکنالوجی استعمال کرنے والے افراد میں ذہنی کمزوری کا خطرہ 58 فیصد تک کم ہوتا ہے۔

یہ بھی پڑھیں: امیر جماعت اسلامی حافظ نعیم الرحمان نے ایک بار پھر احتجاجی تحریک شروع کرنے کا عندیہ دیدیا

تحقیق کی تفصیلات

فوکس نیوز کے مطابق مطالعے میں گزشتہ 136 تحقیقی رپورٹس کا تجزیہ کیا گیا جن میں تقریباً چار لاکھ بالغ افراد شامل تھے اور ان کا اوسطاً چھ سال تک فالو اپ کیا گیا۔ نتائج سے یہ ثابت ہوا کہ عمر، جنس اور تعلیمی سطح جیسے عوامل کو مدنظر رکھنے کے باوجود بھی ٹیکنالوجی کا استعمال ذہنی صحت پر مثبت اثر ڈالتا ہے۔

یہ بھی پڑھیں: ہمارا ایٹمی پروگرام پرامن ہے، امریکہ اور اسرائیل جنگ کو علاقے میں پھیلانا چاہتے ہیں :رضا امیری مقدم

محققین کی رائے

تحقیق کے شریک مصنف مائیکل اسکَلِن کے مطابق بہت سے افراد شکایت کرتے ہیں کہ ٹیکنالوجی سمجھنا مشکل ہے لیکن یہی ذہنی مشقت دماغی صحت کے لیے فائدہ مند ثابت ہو سکتی ہے۔ ان کا کہنا تھا کہ بدلتی ہوئی ٹیکنالوجی انسان کو سیکھنے اور خود کو ڈھالنے پر مجبور کرتی ہے، جو دماغ کو متحرک رکھتی ہے۔

یہ بھی پڑھیں: ایک بار پھر ایڈمنسٹریٹو پاور کو جوڈیشل پاور کیلئے استعمال کیاگیا، انصاف کو شکست کا سامنا نہیں کرنے دوں گا،جسٹس سردار اعجاز اسحاق کے عافیہ صدیقی کیس میں ریمارکس

ڈیجیٹل سہولیات کی اہمیت

محققین نے اس بات پر بھی زور دیا کہ ڈیجیٹل سہولیات جیسے ویب کیلنڈر، فون ریمائنڈر اور نیویگیشن ایپس معمر افراد کو روزمرہ کے کاموں میں مدد فراہم کرتی ہیں اور ان کی خود مختاری کو برقرار رکھنے میں مددگار ثابت ہوتی ہیں، جو نسیان کے اثرات کو محدود کرنے میں مدد دیتی ہیں۔

تنہائی کا خاتمہ

مزید یہ کہ ڈیجیٹل ٹیکنالوجی بزرگوں کو اپنے خاندان اور دوستوں سے جڑے رہنے میں مدد دیتی ہے، جو تنہائی کم کرنے اور ذہنی صحت بہتر بنانے کا ایک اہم ذریعہ ہے۔ اسکَلِن کا کہنا تھا کہ اب نہ صرف بات کرنا، بلکہ ویڈیو کالز، تصویریں شیئر کرنا اور ای میلز کے ذریعے فوری رابطہ ممکن ہو گیا ہے، جو ایک مثبت معاشرتی تعلق کا ذریعہ ہے۔