دوحہ جانے والے مسافر کے پیٹ سے 98 آئس بھرے کیپسول برآمد

منشیات سمگلنگ کے خلاف کارروائیاں

لاہور(آئی این پی)اینٹی نار کوٹکس فورس نے ملک کے مختلف شہروں اور تعلیمی اداروں میں منشیات سمگلنگ کے خلاف کارروائیاں کرتے ہوئے 12ملزمان کو گرفتار کر لیا۔

یہ بھی پڑھیں: ٹیرف میں اضافے کے اعلان کے بعد ایپل نے 600 ٹن آئی فون بھارت سے امریکا پہنچادیئے

بڑے پیمانے پر منشیات کی برآمد

ترجمان اے این ایف کے مطابق 9مختلف کارروائیوں میں 94لاکھ روپے سے زائد مالیت کی 75.750کلو گرام منشیات برآمد کی گئی۔ لاہور انٹرنیشنل ایئرپورٹ پر کارروائی کے دوران دوحہ جانے والے مسافر کے پیٹ سے 98آئس بھرے کیپسول برآمد کیے گئے۔

یہ بھی پڑھیں: خاتون نے شوہر کو اپنی ماں کے ساتھ رنگے ہاتھوں پکڑ لیا، کتنے سال سے یہ شرمناک سلسلہ جاری تھا؟

تعلیمی اداروں میں منشیات کی فروخت

حطار روڈ ہری پور میں کارروائی کے دوران ایک ملزم سے 200گرام چرس برآمد ہوئی جس نے تعلیمی اداروں کے طلبا کو منشیات فروخت کرنے کا اعتراف کیا۔

یہ بھی پڑھیں: سکون سے وہ مالا مال ہوتا ہے جو خدا کے نزدیک ہوتا ہے۔۔۔

مختلف مقامات پر کارروائیاں

سپر ہائی وے کراچی کے قریب ایک ملزم کے سامان میں چھپائی گئی 54کلو چرس برآمد ہوئی جبکہ فیصل آباد روڈ جھنگ کے قریب ایک اور کارروائی میں 10.8کلو چرس برآمد کی گئی۔ کھنہ پل اسلام آباد کے قریب ایک گاڑی سے 6 کلو چرس برآمد کر کے 2ملزمان کو گرفتار کر لیا گیا۔

یہ بھی پڑھیں: دوران پرواز مسافر کی طیارے کا دروازہ کھولنے کی کوشش، روکنے پر کریو ممبر پرحملہ کردیا

بلوچستان اور جہلم میں کارروائیاں

بلوچستان میں زیرو پوائنٹ پسنی کے قریب ایک گاڑی سے 6کلو آئس برآمد ہوئی، جس میں ملوث 2ملزمان کو حراست میں لے لیا گیا۔ جڑا روڈ جہلم کے قریب کارروائی میں دو ملزمان سے 2.4کلو چرس اور 1کلو آئس برآمد کی گئی۔

مزید تحقیقات

ایم ون موٹر وے اسلام آباد کے قریب مسافر بس میں سوار خاتون کے قبضے سے 2.4کلو چرس ملی، جبکہ کہوٹہ روڈ اسلام آباد پر ایک موٹرسائیکل سوار سے بھی 2.4کلو چرس برآمد کی گئی۔ گرفتار ملزمان کے خلاف انسداد منشیات ایکٹ کے تحت مقدمات درج کر کے مزید تحقیقات کا آغاز کر دیا گیا ہے。