سپیکر کے پی اسمبلی کو کرپشن الزامات میں کلین چٹ دینے پر پی ٹی آئی کی احتساب کمیٹی میں اختلافات

پشاور میں کرپشن الزامات کی تحقیقات

سپیکر خیبر پختونخوا اسمبلی، بابر سلیم سواتی، کو کرپشن الزامات کی تحقیقات میں کلین چٹ دینے والی انٹرنل احتساب کمیٹی میں اختلافات سامنے آگئے۔

یہ بھی پڑھیں: سیالکوٹ میں نئی انڈسٹریل سٹیٹ کی منظوری، فیڈمک اور پیڈمک میں گھپلوں کا سخت نوٹس، ذمہ داران کے خلاف کارروائی کا فیصلہ

احتساب کمیٹی کے اندر کی صورت حال

احتساب کمیٹی کے رکن مصدق عباسی نے قاضی انور ایڈووکیٹ کی جانب سے رپورٹ پی ٹی آئی سیکرٹری جنرل سلمان اکرم راجا کو بھیجنے پر بھی اعتراض اٹھا دیا۔ قاضی انور ایڈووکیٹ نے بھی تسلیم کیا کہ تین رکنی کمیٹی کے رکن مصدق عباسی اس بات سے متفق نہیں ہیں کہ بابر سلیم سواتی نے کرپشن نہیں کی۔

یہ بھی پڑھیں: ایک دو دن بعد انڈین اور دوسرے ملکوں کے مندوبین سستے ہوٹل میں شفٹ ہوگئے، کافی پیسے بچائے، بھارتی مندوبین نے تو زیورات تک بنوا لیے۔

کمیٹی کے ایس او پیز کی خلاف ورزی

انہوں نے یہ بھی تسلیم کیا کہ کمیٹی کے ایس او پیز کے مطابق رپورٹ صرف بانی پی ٹی آئی کو بھیجی جا سکتی ہے لیکن سلمان اکرم راجا نے رپورٹ مانگی تھی اس لئے انہیں بھیج دی۔

یہ بھی پڑھیں: بھارتی لڑکی کا انوکھا مشغلہ، اپنے شکار کئے گئے مچھروں کا بائیو ڈیٹا جمع کرنے لگی

دیگر ارکان کی رائے

کمیٹی ذرائع کا کہنا ہے کہ کمیٹی کے دیگر دو ارکان مصدق عباسی اور شاہ فرمان دونوں ہی رپورٹ سلمان اکرم راجا کو بھیجنے پر نالاں ہیں۔

الزامات کی پس منظر

خیال رہے کہ اعظم سواتی نے سپیکر کے پی اسمبلی بابر سلیم سواتی پر کرپشن اور اختیارات کے ناجائز استعمال کے الزامات عائد کئے تھے جس پر بابر سلیم سواتی نے خود کو احتساب کے لئے پیش کیا تھا۔