یو اے ای کے وزیر خارجہ 2 روزہ دورہ پر آج پاکستان پہنچیں گے

یو اے ای کے وزیر خارجہ کا دورہ پاکستان

اسلام آباد (ڈیلی پاکستان آن لائن) متحدہ عرب امارات (یو اے ای) کے وزیر خارجہ دو روزہ دورے پر آج پاکستان پہنچیں گے۔

ملاقاتیں اور بات چیت

نجی ٹی وی دنیا نیوز نے ترجمان دفتر خارجہ کے حوالے سے بتایا کہ یو اے ای کے وزیر خارجہ عبداللہ بن زید النہیان آج دو روزہ دورے پر پاکستان پہنچ رہے ہیں۔

شیخ عبداللہ وزیر اعظم شہباز شریف سے ملاقات کریں گے، جس میں تجارت، سرمایہ کاری، توانائی تعاون، اور علاقائی سلامتی پر توجہ دی جائے گی۔

دوطرفہ تعلقات کا جائزہ

اماراتی وزیر خارجہ اپنے پاکستانی ہم منصب اسحاق ڈار کے ساتھ بات چیت کریں گے، جس میں دوطرفہ تعلقات کے مختلف پہلوؤں کا جائزہ لیا جائے گا۔