جان سینا ریکارڈ 17 ویں بار ڈبلیو ڈبلیو ای چیمپئن بن گئے

جان سینا کی ریسلنگ میں الوداعی منصوبہ

نیویارک(ڈیلی پاکستان آن لائن) پاکستان سمیت دنیا بھر میں مقبول ریسلر اور اداکار جان سینا 2025 میں کسی وقت ریسلنگ کی دنیا کو ہمیشہ کے لیے خیرباد کہہ دیں گے۔ مگر اس سے پہلے انہوں نے ڈبلیو ڈبلیو ای کا ایک ایسا ریکارڈ اپنے نام کرلیا ہے جو اب تک کوئی اور ریسلر نہیں حاصل کرسکا۔

یہ بھی پڑھیں: اسلامی یونیورسٹی کی طالبہ کو ہاسٹل میں اس کی تین رومیٹس کی موجودگی میں گولی مار قتل کر دیا گیا

تاریخی ریکارڈ قائم

انہوں نے ریسل مینیا 41 کے دوسری رات کے مین ایونٹ میں تاریخ رقم کرتے ہوئے کوڈی روڈز کو شکست دی اور ریکارڈ 17 ویں بار ڈبلیو ڈبلیو ای چیمپئن بن گئے۔

یہ پہلی بار ہے جب ڈبلیو ڈبلیو ای میں کوئی ریسلر 17 ویں بار چیمپئن بنا۔ اس سے قبل رک فلیئر اور جان سینا مشترکہ طور پر سب سے زیادہ 16 بار چیمپئن بننے کا اعزاز حاصل کرچکے تھے۔

یہ بھی پڑھیں: پی ٹی آئی رہنماؤں کی اکثریت فوری طورپر سول نافرمانی تحریک کی حامی نہیں، مزید مشاورت کا فیصلہ

مثبت سوچ سے ہیل کی طرف تبدیلی

جان سینا نے ڈبلیو ڈبلیو ای کی تاریخ کے سب سے طویل عرصے تک فیس یا ہیرو جیسی شخصیت رہنے کے بعد ہیل (heel) بن کر نیا عالمی ریکارڈ قائم کیا تھا۔

جان 2 دہائیوں سے زائد عرصے تک ڈبلیو ڈبلیو ای میں ایک مثبت سوچ یا رویے کا مظاہرہ کرنے والے ریسلر کے طورپر سرگرم رہے، مگر ایلیمینیشن چیمبر میچ کے بعد انہوں نے اچانک روڈی کوڈز پر حملہ کیا اور دی راک کے ساتھی بن کر خود کو ڈرامائی انداز سے تبدیل کرلیا۔

یہ بھی پڑھیں: میرے لئے تیل کا صرف ایک قطرہ، ٹرمپ کا ابوظہبی میں اماراتی میزبانوں سے شکوہ

گنیز ورلڈ ریکارڈز میں نام شامل

اپنے کیرئیر میں آخری بار جان سینا اس طرح کے ولن ریسلر 2003 میں بنے تھے اور 6 نومبر 2003 کو ہیرو کے روپ میں بدلنے کے بعد وہ 7786 دنوں تک مثبت ریسلر کے طور پر مداحوں کے سامنے رہے۔

اس طرح ان کا نام دوسری بار گنیز ورلڈ ریکارڈز میں شامل ہوگیا۔