عالمی اقتصادی فورم کے چیئرمین کلاوس شواب مستعفی

کلاوس شواب کا استعفیٰ

ڈیووس (ڈیلی پاکستان آن لائن) عالمی اقتصادی فورم کے بانی کلاوس شواب چیئرمین اور بورڈ آف ٹرسٹیز کے رکن کی حیثیت سے مستعفی ہو گئے۔

یہ بھی پڑھیں: وزیراعظم رائیونڈ پہنچ گئے، پارٹی قائد نوازشریف سے ملاقات کریں گے

استعفیٰ کی تفصیلات

روز نامہ جنگ کے مطابق 87 سالہ شواب کئی دہائیوں سے ڈیووس میں ہونے والی سالانہ عالمی کانفرنس کا چہرہ سمجھے جاتے تھے۔ ڈبلیو ای ایف کے جاری کردہ بیان میں کہا گیا ہے کہ شواب کا استعفیٰ 20 اپریل کو بورڈ کے غیر معمولی اجلاس میں قبول کر لیا گیا۔ اب نائب چیئرمین پیٹر بربیک لتھمے عارضی چیئرمین کے طور پر خدمات انجام دیں گے۔

یہ بھی پڑھیں: جامعہ دارالعلوم حقانیہ اکوڑہ خٹک میں “خدمات مولانا سمیع الحق شہیدکانفرنس” مولانا حامد الحق حقانی، سراج الحق اور دیگر کا خطاب

مستقبل کے چیئرمین کی تلاش

میڈیا رپورٹس کے مطابق مستقبل کے چیئرمین کی تقرری کے لئے کمیٹی قائم کر دی گئی ہے۔ خیال رہے کہ جرمن نژاد کلاوس شواب نے 1971ء میں فورم کی بنیاد رکھی تھی تاکہ عالمی پالیسی سازوں اور کارپوریٹ رہنماوں کو اہم عالمی مسائل پر بات چیت کا پلیٹ فارم فراہم کیا جا سکے۔

کلاوس شواب کا مستقبل

جنیوا میں قائم ادارے نے اس ماہ کے شروع میں اعلان کیا تھا کہ کلاوس شواب کسی ٹائم فریم کی نشاندہی کئے بغیر اپنا عہدہ چھوڑ دیں گے۔