جمعیت علماء اسلام (س) کے امیر مولانا عبد الحق ثانی کی وفد کے ہمراہ امیر جماعت اسلامی حافظ نعیم الرحمٰن سے منصورہ میں تفصیلی ملاقات

ملاقات کا مقصد

لاہور (ڈیلی پاکستان آن لائن) جمعیت علماء اسلام (س) کے امیر مولانا عبد الحق ثانی نے اپنے وفد کے ہمراہ امیر جماعت اسلامی پاکستان حافظ نعیم الرحمن سے منصورہ لاہور میں تفصیلی ملاقات کی۔ دونوں رہنماؤں نے ملکی سیاسی صورتحال بالخصوص غزہ فلسطین کے مظلوم مسلمانوں کے حوالے سے تفصیلی تبادلۂ خیال کیا۔

یہ بھی پڑھیں: جنگ میں بھارت کا تماشہ، دنیا نے دیکھا، رافیل ایسے گرے جیسے چڑیا گرتی ہیں: مصدق ملک

خوش آمدید اور خدمات کا اعتراف

امیر جماعت اسلامی جناب حافظ نعیم الرحمن نے وفد کو خوش آمدید کہا اور شہید مولانا سمیع الحق اور شہید مولانا حامد الحق کی خدمات کو خراج تحسین پیش کیا۔ انہوں نے اس بات پر زور دیا کہ جمعیت علماء اسلام (س) کے ساتھ جماعت اسلامی کا تعاون اور تعلق ماضی کی طرح جاری رہے گا۔ ان کا کہنا تھا کہ مشترکہ مسائل پر مل کر کام کرنا ضروری ہے، کیونکہ ان طاغوتی قوتوں کا مقابلہ اکیلے کسی جماعت کے لیے ممکن نہیں۔

یہ بھی پڑھیں: چینی انفلوئنسر نے ہمدردی حاصل کرنے کیلئے اپنی ننھی بیٹی بارے ایسا دعویٰ کردیا کہ پولیس حرکت میں آگئی، گرفتار کرلیا گیا

پاکستان میں سرمایہ کاری کی ضرورت

حافظ نعیم الرحمن نے اپنے پیغام میں مزید کہا کہ ہم چاہتے ہیں کہ پورے ملک میں ایکسپو سینٹر قائم کریں، تاکہ اپنے ملک کے سرمایہ کاروں کو سرمایہ کاری کے لیے آمادہ کیا جا سکے اور اسرائیلی مصنوعات کے متبادل فراہم کیے جا سکیں۔

یہ بھی پڑھیں: آئی پی ایل کا “روبوٹک کتا” عدالتی کیس میں پھنس گیا

تعزیتی ریفرنس کی شرکت

مولانا عبد الحق ثانی نے یکم مئی کو اسلام آباد میں ہونے والی یاد مولانا حامد الحق شہید تعزیتی ریفرنس و یکجہتی فلسطین کانفرنس میں شرکت کا دعوت نامہ پیش کیا۔ حافظ نعیم الرحمن نے خوشی کا اظہار کرکے دعوت نامہ قبول کیا اور مولانا حامد الحق شہید کے قاتلوں کی گرفتاری کے لیے بھرپور آواز اٹھانے کی یقین دہانی کرائی۔

یہ بھی پڑھیں: موسم سرما میں اضافی بجلی استعمال کرنے والوں کو بلوں میں ریلیف دینے کا فیصلہ

ہزاروں کے درمیان تعزیت

وفد نے امیر جماعت اسلامی کے ساتھ جماعت اسلامی کے بانی رکن، بڑے ادیب و سکالر پروفیسر خورشید احمد کی وفات پر تعزیت کی اور ان کی مولانا سمیع الحق شہید کے ساتھ پارلیمان میں شریعت بل کے لیے مشترکہ جدوجہد پر خراج تحسین پیش کیا۔

وفد کی رکنیت

وفد میں شامل اراکین میں جمعیت کے مرکزی سیکرٹری جنرل مولانا سید محمد یوسف شاہ، مرکزی سیکرٹری اطلاعات مولانا خزیمہ سمیع، مولانا اسامہ سمیع، مولانا اعظم حسین، قاری رحمت اللہ لاشاری شامل تھے۔