مقبوضہ کشمیر میں حملے میں 26 افراد کی ہلاکت پر پاکستان نے رد عمل جاری کر دیا

حملے کا واقعہ

اسلام آباد (ڈیلی پاکستان آن لائن) مقبوضہ کشمیر کے علاقے پہلگام میں حملے کے نتیجے میں 26 سیاحوں کی ہلاکت پر دفتر خارجہ کا ردعمل بھی سامنے آیا۔

یہ بھی پڑھیں: قومی ایئرلائن کی لاہور سے باکو کے لیے پروازوں کا آغاز، پہلی پرواز میں کتنے مسافروں نے سفر کیا؟ پتہ چل گیا

دفتر خارجہ کی تشویش

تفصیلات کے مطابق میڈیا کے سوالات کے جواب میں ترجمان وزارت خارجہ نے رد عمل دیتے ہوئے کہا کہ، "ہم مقبوضہ جموں و کشمیر کے ضلع اننت ناگ میں حملے کے نتیجے میں سیاحوں کی ہلاکت پر تشویش کا اظہار کرتے ہیں۔" ترجمان کا کہنا تھا کہ واقعے میں ہلاک افراد کے لواحقین سے دلی تعزیت کرتے ہیں اور زخمیوں کی جلد صحت یابی کے لیے دعاگو ہیں۔

یہ بھی پڑھیں: ایران کے صدر مسعود پزیشکیان کا کرم ایجنسی میں دہشت گردی کے واقعے پر تعزیت کا اظہار

حملے کی تفصیلات

واضح رہے کہ مقبوضہ جموں و کشمیر کے سیاحتی مقام پہلگام میں نامعلوم افراد نے اندھا دھند فائرنگ کی اور موقع سے فرار ہوگئے۔ کشمیر میڈیا سروس کے مطابق مسلح افراد نے بیسرن میڈوس میں تفریح کے لیے آئے سیاحوں کو نشانہ بنایا ہے۔

یہ بھی پڑھیں: میئر لندن صادق خان نے ٹریفک فیس میں بڑی تبدیلیوں کا اعلان کر دیا

بھارتی میڈیا کا ردعمل

حملے کے بعد بھارتی میڈیا نے بغیر ثبوت پاکستان کے خلاف زہر اگلنا شروع کر دیا۔ حملہ ہوا تو فوراً سوشل میڈیا پر "پاکستان کا ہاتھ" کا بیانیہ چلایا گیا اور بھارتی چینلز نے حملے کو "پاکستانی دہشت گردی" کہہ کر بیچا۔

یہ بھی پڑھیں: انصاف کو عام کیا جائے، چاہتے ہیں ملک میں امن و سکون ہو: شیخ رشید

مودی حکومت کا بیانیہ

مودی میڈیا کا فارمولا یہ ہے کہ کوئی بھی واقعہ ہو تو ثبوت کے بغیر فوراً پاکستان پر الزام لگا دو، انتہا پسند بھارتی حکومت کی بنیاد عوام کو جنگ کے لیے اکسانے جیسے بیانیہ پر کھڑی ہے۔

یہ بھی پڑھیں: یہ قانون سازی نہیں، آئین اور قانون پر حملہ ہے، دنیا کو بتانا چاہتے ہیں اس وقت پاکستان میں ایک ڈھونگ رچایا جارہا ہے، سلمان اکرم راجا

نئی حکمت عملی

بھارتی میڈیا خود ساختہ دہشت گردی کی خبر پر شور مچا دیتا ہے جبکہ "نیکسلائٹ حملوں" پر چپ سادھ لیتا ہے کیونکہ حقیقت ان کے جھوٹ کو بے نقاب کرتی ہے۔

حقائق اور افواہیں

مودی میڈیا کا نیا نظریہ یہ ہے کہ بھارت میں ہونے والی "ہر دہشت گردی" پاکستان کرتا ہے، یہ ثابت ہو چکا ہے کہ بھارتی حکومت اور میڈیا بھارتی عوام کو بیوقوف بنانے میں مصروف ہیں۔ بھارتی میڈیا جھوٹ بیچتا ہے تاکہ عوام حقیقی مسائل سے دور رہیں۔