بجلی چوروں کے خلاف گھیرا تنگ کرنے کا فیصلہ

لیسکو کا بجلی چوروں کے خلاف کریک ڈاؤن

لاہور (طیبہ بخاری سے) لیسکو نے بڑے بجلی چوروں کے خلاف گھیرا تنگ کرنے کا فیصلہ کر لیا ہے۔

یہ بھی پڑھیں: وزیراعلیٰ کا پنجاب میں چکن کے نرخ بڑھنے پر اظہار برہمی، سبزیوں کے حوالے سے بھی اہم احکامات جاری

اہم اجلاس کی تفصیلات

سیکٹر ہیڈکوارٹرز ستلج رینجرز میں چیف ایگزیکٹو لیسکو انجینئر محمد رمضان بٹ اور سیکٹر کمانڈر ستلج رینجرز بریگیڈیئر سید نیئر عباس کی زیر صدارت ڈسکوز سپورٹ یونٹس کا اہم اجلاس ہوا۔ اس اجلاس میں سی سی پی او لاہور، لیسکو کے تمام سرکلز کے ایس ایز، آئی ایس آئی، ایم آئی اور ایف آئی اے کے نمائندگان نے شرکت کی۔ اس موقع پر نئے تعینات ہونے والے چیف ایگزیکٹو لیسکو انجینئر محمد رمضان بٹ کو خوش آمدید کہا گیا اور اب تک کی کارروائیوں سے متعلق بریفنگ بھی دی گئی۔

یہ بھی پڑھیں: بانی پی ٹی آئی پر 9 مئی کا صرف ایک مقدمہ چلانے کی درخواست سماعت کیلئے مقرر

بجلی چوروں کے خلاف سخت کارروائی

اجلاس میں فیصلہ کیا گیا کہ بڑے بجلی چوروں کے خلاف آہنی ہاتھوں سے نمٹا جائے گا اور ایسے ملزمان کو دوسروں کے لیے نشان عبرت بنایا جائے گا۔ اجلاس کے شرکاء نے پولیس نمائندگان سے مطالبہ کیا کہ بجلی چوری سے متعلق تاخیر کا شکار ایف آئی آرز فوری طور پر رجسٹرڈ کی جائیں تاکہ ملزمان کے خلاف کارروائی کا آغاز کیا جا سکے۔

یہ بھی پڑھیں: پُل سے گرایا گیا 7دن کا بچہ جانور کے کاٹنے کے باوجود زندہ بچ گیا

میڈیا کا کردار

لاہور الیکٹرک سپلائی کمپنی کے چیف ایگزیکٹو آفیسر انجینئر محمد رمضان بٹ نے لیسکو ہیڈکوارٹرز میں بیٹ رپورٹرز سے ملاقات میں گفتگو کرتے ہوئے کہا کہ پاکستان میں جمہوری اقدار کے فروغ اور معاشرتی مسائل کی نشاندہی میں میڈیا اہم کردار ادا کر رہا ہے۔ انہوں نے مزید کہا کہ میڈیا ذمہ داری کے ساتھ اپنے فرائض سرانجام دے رہا ہے اور سرکاری اداروں کا قریبی تعلق عوامی مفاد میں ہے۔

یہ بھی پڑھیں: سپین میں 2 ٹرینوں میں خوفناک تصادم، 21 افراد ہلاک، سینکڑوں زخمی

صحافیوں کی مشکلات کا حل

ان کا کہنا تھا کہ صحافی بھائیوں کو درپیش مشکلات کو ترجیحی بنیادوں پر حل کیا جائے گا۔ چیف ایگزیکٹو کا آفس تمام لوگوں کے لیے کھلا ہے، عوام لیسکو کے مالک جبکہ ہم خادم ہیں۔ لیسکو افسران و ملازمین عوامی مسائل کے حل کے لیے اضافی ڈیوٹی دیتے ہیں کیونکہ ہمارا سب ملازمین کو واضح پیغام ہے کہ جس میں خدمت کا جذبہ نہیں اس کی لیسکو میں کوئی جگہ نہیں۔

فنکشنل ہیڈ میٹنگ کا فیصلہ

اس موقع پر ڈائریکٹر ایڈمن معصومہ عادل نے بتایا کہ چیف ایگزیکٹو انجینئر رمضان بٹ نے یہ فیصلہ کیا ہے کہ فنکشنل ہیڈ میٹنگ کو ہر آفیسر مرحلہ وار چیئر کیا کرے گا اور اس سے Participating کلچر کو فروغ ملے گا۔ اس میٹنگ میں موجود سینئر صحافیوں کی جانب سے چیف ایگزیکٹو کے ساتھ میٹنگ کو سراہا گیا۔