بیماریوں سے بچاؤ کا سب سے مؤثر ہتھیار احتیاط، آگاہی اور ویکسی نیشن ہے: وزیر اعلیٰ پنجاب

وزیراعلیٰ پنجاب کا بیماریوں سے بچاؤ پر پیغام

لاہور (ڈیلی پاکستان آن لائن) وزیراعلیٰ پنجاب مریم نواز نے کہا ہے کہ بیماریوں سے بچاؤ کا سب سے مؤثر ہتھیار احتیاط، آگاہی اور ویکسی نیشن ہے۔ پولیو، خسرہ، ٹی بی، ہیپاٹائٹس، تشنج، نمونیا اور دیگر مہلک بیماریوں کے خلاف بھرپور ویکسی نیشن مہم جاری ہے۔

یہ بھی پڑھیں: سنگ میل یا کلو میٹر (درست کیا ہے؟)

ورلڈ ایمیونائزیشن ویک کی اہمیت

وزیر اعلیٰ مریم نواز نے ورلڈ ایمیونائزیشن ویک پر اپنے پیغام میں کہا کہ پنجاب کے ہر شہری، بالخصوص والدین سے اپیل ہے کہ وہ اپنے بچوں کو حفاظتی ٹیکے لازمی لگوائیں۔ ویکسین ہر بچے کی بنیادی ضرورت اور والدین کی ذمہ داری ہے۔

یہ بھی پڑھیں: لیگی رکن اسمبلی عادل خان بازائی کی نشست کو خالی قرار دے دیا گیا

صحت کے کارکنوں کا عزم

ہیلتھ ورکرز، ویکسی نیٹرز اور محکمہ صحت کی ویکسی نیشن ٹیمیں دن رات گھر گھر ، گلی گلی پہنچ رہی ہیں۔ پنجاب حکومت کی ایمیونائزیشن کیمپین ہر بچے، ہر خاندان بلکہ پورے معاشرے کے محفوظ مستقبل کے لیے ہے۔

پولیو فری پنجاب کا عزم

پنجاب کو پولیو فری صوبہ بنانے کے لیے کوشاں ہیں۔ صحت مند بچہ ہی تعلیم یافتہ، باصلاحیت اور خود اعتماد شہری بن سکتا ہے۔