مہنگائی کی ہفتہ وار شرح میں 1.92 فیصد کی مزید کمی، سالانہ شرح منفی 3.52 فیصد ہوگئی

مہنگائی کی شرح میں نمایاں کمی

اسلام آباد (ڈیلی پاکستان آن لائن) ملک میں ہفتہ وار بنیاد پر مہنگائی کی شرح میں 1.92 فیصد کی مزید کمی ہوئی ہے، مہنگائی کی مجموعی سالانہ شرح منفی 3.52 فیصد ہوگئی۔

یہ بھی پڑھیں: 27ویں آئینی ترمیم پاس ہو گئی ہے، 28ویں کی تیاری کریں، سینیٹر فیصل واوڈا

ادارہ شماریات کی رپورٹ

ڈان نیوز کے مطابق ادارہ شماریات پاکستان نے ہفتہ وار مہنگائی سے متعلق رپورٹ جاری کردی۔ ادارہ شماریات کے مطابق ایک ہفتے میں 11 اشیا مہنگی اور 18 سستی ہوئیں جبکہ 22 اشیائے ضروریہ کی قیمتیں مستحکم رہیں۔

یہ بھی پڑھیں: دو برس میں کورئیرپارسل کمپنیوں کے ذریعے منشیات سمگلنگ، 344 کیسز رجسٹر

بجلی کے چارجز اور اشیاء کی قیمتیں

ادارہ شماریات کا کہنا ہے کہ بجلی کے سہ ماہی چارجز 19.17 فیصد کم ہوئے جبکہ ایک ہفتے میں چکن 11.75، آٹا 5.68 اور لہسن 4.66 فیصد سستا ہوا۔مزید برآں، کیلے 3.51، پیاز 1.93 اور چاول 1.58 فیصد سستے ہوئے۔

یہ بھی پڑھیں: نوشہرہ میں باپ کو قتل کرنے والے 2 بیٹے گرفتار

مہنگائی کا مزید تجزیہ

ادارہ شماریات کے مطابق ایک ہفتے کے دوران آلو اور انڈے بالترتیب 6.94 اور 0.66 فیصد مہنگے ہوئے جبکہ نمک، سگریٹس، گڑ اور دال مسور کی قیمتوں میں بھی اضافہ ہوا۔ یاد رہے کہ مارچ کے مہینے میں مہنگائی بڑھنے کی شرح 3 دہائیوں کی کم ترین سطح 0.7 فیصد پر آگئی تھی۔

یہ بھی پڑھیں: کوہستان میں مالی سکینڈل: انٹرنل انکوائری 3 دن میں مکمل کرنے کی ہدایت

ماہانہ معاشی اپ ڈیٹ

گزشتہ روز وزارت خزانہ نے ماہانہ معاشی اپ ڈیٹ اینڈ آو¿ٹ لک میں مہنگائی سے متعلق تخمینہ جاری کیا تھا، جس میں مئی میں مہنگائی ممکنہ طور پر 3 سے 4 فیصد کے درمیان تک پہنچنے کا خدشہ ظاہر کیا گیا تھا۔ وزیر خزانہ کا کہنا تھا کہ رواں ماہ اپریل میں مہنگائی 1.5 فیصد سے 2 فیصد کے درمیان رہنے کی توقع ہے۔