چوہدری ارشد وڑائچ شرافت کی سیاست کا پیکر تھے، خدمات کو تادیر یاد رکھا جائے گا:وزیر اعلیٰ پنجاب
وزیر اعلیٰ پنجاب کی تعزیت
لاہور (ڈیلی پاکستان آن لائن) وزیر اعلیٰ پنجاب مریم نواز سمبڑیال میں رکن صوبائی اسمبلی چوہدری ارشد وڑائچ مرحوم کی رہائش گاہ گئیں۔ وزیراعلیٰ نے مرحوم چوہدری ارشد وڑائچ کی بیٹیوں حنا ارشد وڑائچ اور زینا مصطفیٰ وڑائچ سے تعزیت کی۔
یہ بھی پڑھیں: شکارپور: دو گروپوں میں تصادم، فائرنگ کی زد میں آکر ایس ایچ او شہید
فاتحہ خوانی اور دعا
وزیر اعلیٰ مریم نواز نے مرحوم ارشد جاوید وڑائچ کے ایصالِ ثواب کے لیے فاتحہ خوانی کی اور سوگوار خاندان کے لیے صبر جمیل کی دعا کی۔ اس موقع پر گفتگو کرتے ہوئے انہوں نے کہا کہ چوہدری ارشد وڑائچ مرحوم شرافت کی سیاست کا پیکر تھے۔ چوہدری ارشد جاوید وڑائچ کی سیاسی و سماجی خدمات کو تادیر یاد رکھا جائے گا۔
حاضرین کی موجودگی
اس موقع پر سینئر وزیر مریم اورنگزیب، رکن صوبائی اسمبلی منشاء اللہ بٹ اور چیف سیکرٹری بھی موجود تھے۔
