وادی لیپہ سیکٹر میں پاک، بھارت افواج کے درمیان چھوٹے ہتھیاروں سے فائرنگ کا تبادلہ، پاک فوج کی موثر جوابی کارروائی کے بعد بھارتی گنیں خاموش ہو گئیں

پاکستان اور بھارت کے درمیان فائرنگ کا تبادلہ

چکوٹھی (آئی این پی) آزاد کشمیر کے ضلع جہلم ویلی کے ملحقہ لائن آف کنٹرول کے وادی لیپہ سیکٹر میں پاک اور بھارت افواج کے درمیان چھوٹے ہتھیاروں سے فائرنگ کا تبادلہ ہوا۔ پاک فوج کی مؤثر جوابی کارروائی کے بعد بھارتی گنیں خاموش ہو گئیں۔

یہ بھی پڑھیں: بلوچستان میں دھماکہ، دو افراد جاں بحق

واقعے کی تفصیلات

ڈپٹی کمشنر جہلم ویلی سید اشفاق گیلانی نے غیر ملکی خبر رساں ادارہ کو بتایا کہ وادی لیپہ میں جمعرات اور جمعہ کی رات فائرنگ کا واقعہ پیش آیا۔ تاہم فائرنگ کے باوجود شہری آبادی محفوظ رہی، اور پاک فوج کی مؤثر جواب دہی کے بعد بھارتی گنوں کی آوازیں بند ہو گئیں۔

یہ بھی پڑھیں: چکوال :پرانی دشمنی کا شاخسانہ ، خاتون اپنے بھائی اور بیٹے سمیت قتل

زندگی کی معمول کی بحالی

دریں اثناء وادی لیپہ میں جمعہ کی صبح سے زندگی معمول کے مطابق رواں دواں رہی۔ تعلیمی ادارے بھی کھلے رہے اور کسی بھی قسم کی ہنگامی حالت پیدا نہیں ہوئی۔

یہ بھی پڑھیں: سونے کی قیمت میں مسلسل دوسرے روز بھی بڑی کمی

علاقہ مکینوں کا عزم

ضلع جہلم ویلی سے ملحقہ لائن آف کنٹرول چکوٹھی، کھلانہ ویلی، پاہل، پانڈو سمیت دیگر علاقوں میں بسنے والے مکینوں کا کہنا ہے کہ ہم بھارتی دھمکیوں سے ڈرنے والے نہیں ہیں۔ پاکستانی قومی سلامتی کمیٹی کے فیصلوں کو کشمیری عوام انتہائی اہمیت دیتے ہیں، اور قومی سلامتی کمیٹی نے عوام کی امنگوں کے مطابق بھارت کو منہ توڑ جواب دیا ہے۔

عزم و حوصلے کا بیان

علاقہ مکینوں کا مزید کہنا ہے کہ اگر ہندوستان نے لائن آف کنٹرول پر کوئی بزدلانہ حرکت کی تو ہم بہادر مسلح افواج کے ساتھ بھرپور قوت سے لڑیں گے۔ بھارتی فوج کے ناپاک عزائم کو خاک میں ملاتے ہوئے کنٹرول لائن پر اپنی مسلح افواج کے ساتھ کندھے سے کندھا ملا کر کھڑے ہوں گے۔ ہمیں معلوم ہے کہ بھارت جان بوجھ کر ایل او سی پر کشیدگی بڑھا رہا ہے، لیکن ہم ڈرنے والے نہیں ہیں۔ بزدل دشمن ہمیشہ سول آبادی کو نشانہ بنا کر ڈرانے کی ناکام کوشش کرتا ہے، مگر عوام کے حوصلے کبھی پست نہیں ہوئے۔