لیبیا کشتی حادثے میں جاں بحق 6 پاکستانیوں کی میتیں لاہور ایئرپورٹ پہنچ گئیں

پاکستانیوں کی میتیں وصول

لاہور (آئی این پی) لیبیا میں کشتی حادثے میں جاں بحق ہونے والے 6 پاکستانیوں کی میتیں لاہور ایئرپورٹ پہنچ گئیں۔ جاں بحق افراد میں سے 3 کا تعلق منڈی بہائوالدین، 2 کا گوجرانوالہ اور ایک کا تعلق سیالکوٹ سے ہے۔

یہ بھی پڑھیں: بلوچستان میں انتشار اور بد امنی پھیلانے والے ہمارے عزم کو متزلزل نہیں کر سکتے: وزیر اعظم

جاں بحق افراد کی تفصیلات

کشتی حادثے میں جاں بحق ہونے والے عبداللہ اور صائمہ نواز میاں بیوی تھے، جب کہ دیگر جاں بحق افراد میں سید علی حسین، آصف علی، زاہد محمود اور محمد وسیم شامل ہیں۔ اوورسیز پاکستانیز فائونڈیشن (او پی ایف) کی ریجنل ہیڈ سیدہ صبا فاطمہ حسن، سید عادل شاہ ڈپٹی ڈائریکٹر او پی ایف اور رشید احمد ڈوگر ایئر پورٹ انچارج او پی ایف نے لاہور ایئرپورٹ کے کارگو ڈیپارٹمنٹ سے میتیں وصول کرکے ورثا کے حوالے کیں۔

حادثے کی تاریخ

کشتی حادثہ 12 اور 13 اپریل کی درمیانی شب لیبیا کے مشرقی ساحل پر پیش آیا تھا۔