کراچی:موٹر سائیکل چوری میں ملوث پولیس اہلکار گرفتار

کراچی میں پولیس اہلکار کی گرفتاری

کراچی (ڈیلی پاکستان آن لائن) کراچی میں سول ہسپتال کے قریب کارروائی کرتے ہوئے پولیس نے موٹر سائیکل چوری میں ملوث ایک پولیس اہلکار کو گرفتار کر لیا۔

یہ بھی پڑھیں: قطر سے اظہار یکجہتی کے لیے عرب اور اسلامی ممالک کے ہنگامی سربراہی اجلاس کا اعلامیہ جاری

گرفتاری کی تفصیلات

نجی ٹی وی چینل جیو نیوز کے مطابق، پولیس حکام نے بتایا کہ موٹر سائیکل چوری کی واردات میں ملوث پولیس اہلکار کو عید گاہ پولیس نے گرفتار کیا۔ ملزم تھانہ گارڈن میں تعینات تھا اور کچھ عرصہ قبل پولیس کی ملازمت میں بھرتی ہوا تھا۔

یہ بھی پڑھیں: پیٹرولیم لیوی سے 1311 ارب روپے وصولی کا ہدف، عوام کو بڑا دھچکا لگنے کا امکان

چوری کا اعتراف

گرفتار پولیس اہلکار نے ستمبر 2024 میں تھانہ عید گاہ کی حدود سے 125 موٹرسائیکل چوری کرنے کا اعتراف کیا ہے۔

یہ بھی پڑھیں: کیا پنجاب حکومت نے سٹیٹ بینک سے قرض لیا۔۔۔؟ عظمیٰ بخاری کا جواب آ گیا

مقدمہ درج

موٹر سائیکل چوری کا مقدمہ تھانہ عید گاہ میں درج تھا۔ ملزم پولیس اہلکار گارڈن ہیڈ کوارٹر میں رہائش پذیر تھا، اور مزید تفتیش کے لیے ملزم کو اے وی ایل سی کے حوالے کر دیا گیا ہے۔

دیگر ملزمان کی گرفتاری

پولیس کے مطابق، دیگر کارروائیوں میں مزید دو ملزمان کو گرفتار کیا گیا، جن کی شناخت سلمان اسحاق اور زین کے نام سے ہوئی۔ ملزم زین نے ماہ رمضان میں کولڈ ڈرنک ڈپو میں ڈکیتی کی تھی، جس میں ملزمان نے دو موبائل فون اور ایک لاکھ روپے لوٹ کر فرار ہونے میں کامیابی حاصل کی۔ جبکہ ملزم سلمان اسحاق خاتون کا موبائل فون چوری کرنے میں ملوث ہے۔