روڈ ٹو مکہ پراجیکٹ، سعودی عرب کا 45 رکنی وفد انتظامات کا جائزہ لینے پہنچ گیا

سعودی وفد کا دورہ پاکستان

اسلام آباد (ڈیلی پاکستان آن لائن) سعودی عرب کا 45 رکنی وفد روڈ ٹو مکہ پراجیکٹ انتظامات کا جائزہ لینے کے لیے پاکستان پہنچ گیا۔ وزارت مذہبی امور کے مطابق منصوبے کے تحت 50 ہزار 500 حاجی سعودی عرب جائیں گے۔

یہ بھی پڑھیں: کولمبیا نے بھارتی سفارتی وفد کے بیان کی تردید کردی

حج 2025ء کے لئے تیاری

نجی ٹی وی سما نیوز کے مطابق حج 2025ء کے سلسلے میں روڈ ٹو مکہ پراجیکٹ انتظامات کا جائزہ لینے کے لیے 45 رکنی سعودی وفد پاکستان پہنچ گیا۔ وزارت مذہنی امور کے حکام نے روڈ ٹو مکہ وفد کا اسلام آباد انٹرنیشنل ایئرپورٹ پر استقبال کیا۔

یہ بھی پڑھیں: دہشت گردی کے خاتمے کے لیے ڈیٹا لینا ضروری ہے، عطا تارڑ

حاجیوں کی تعداد اور پروازیں

وزارت مذہبی امور کا کہنا ہے کہ روڈ ٹو مکہ پراجیکٹ کے تحت پروازوں کے ذریعے 50 ہزار 500 حاجی سعودی عرب جائیں گے، جن میں اسلام آباد سے 28 ہزار اور کراچی سے 21 ہزار حاجی شامل ہوں گے۔

یہ بھی پڑھیں: برطانوی عدالت میں وکیل کی نیم برہنہ پیشی پر عدالت حیران، جج کا شدید برہمی کا اظہار

پروازوں کی تفصیلات

حکام نے بتایا کہ اسلام آباد سے 100 اور کراچی سے 80 پروازیں آپریٹ ہوں گی، جبکہ حج عازمین کے لیے اسلام آباد اور کراچی ایئرپورٹ پر کاؤنٹرز قائم کیے جائیں گے۔

امیگریشن کا عمل

وزارت مذہبی امور کا کہنا ہے کہ روڈ ٹو مکہ پراجیکٹ میں پاکستانی عازمین حج کی امیگریشن سعودی عرب کی بجائے پاکستان میں ہی مکمل کی جائے گی۔