بھارت، دہلی ہائیکورٹ نے اے آر رحمن پر 2 کروڑ روپے جرمانہ عائد کردیا

دہلی ہائی کورٹ کا فیصلہ

نئی دہلی (آئی این پی) دہلی ہائی کورٹ نے عالمی شہرت یافتہ بھارتی موسیقار و گلوکار اے آر رحمن اور ساوتھ انڈین فلم "پونیئن سیلوان 2" کی پروڈکشن ہائوس پر کاپی رائٹ کے مقدمے میں 2 کروڑ بھارتی روپے کا جرمانہ عائد کر دیا۔

یہ بھی پڑھیں: سہیلیوں کو لگتا ہے کہ میں بہت زیادہ خوبصورت ہوں اور ان کے شوہر چھین لوں گی

عدالتی ہدایت

بھارتی میڈیا کے مطابق دہلی ہائی کورٹ نے اے آر رحمن اور فلم پونیئن سیلوان 2 کی پروڈکشن کو جونیئر ڈگر برادران کی کلاسیک پیشکش "شیو ستوتی" پر کاپی رائٹ کے مقدمے میں 2 کروڑ بھارتی روپے عدالت میں جمع کروانے کی ہدایت کی ہے۔ جسٹس پرتھیبا ایم سنگھ نے 25 اپریل کو فیصلہ سناتے ہوئے کہا کہ سامعین کے نقطہ نظر سے فلم پونیئن سیلوان 2 میں اے آر رحمن کا گانا "ویرا راجہ ویرا" جونیئر ڈگر برادران کی کلاسیک پیشکش "شیو ستوتی" سے صرف متاثر نہیں بلکہ اس کی کاپی ہے۔

یہ بھی پڑھیں: پولیس نے پنجاب اور خیبرپختونخوا کی سرحد مکمل بند کردی

موسیقی کے حقوق کی خلاف ورزی

انہوں نے کہا کہ یہ عمل اصل موسیقاروں کے حقوق کی خلاف ورزی ہے۔ عدالت نے فلم میں جونیئر ڈگر برادران مرحوم استاد این فیاض الدین ڈگر اور مرحوم استاد ظہیر الدین ڈگر کو کریڈٹ دینے اور مرحوم فنکاروں کی فیملی کو 2 لاکھ روپے بطور معاوضہ دینے کی ہدایت بھی کی۔

دعویٰ کرنے والے کا موقف

یاد رہے کہ فیاض الدین ڈگر کے بیٹے اور ظہیر الدین ڈگر کے بھتیجے استاد فیاض واصف الدین ڈگر نے دعویٰ کیا تھا کہ وہ جونیئر ڈگر برادرز کی تمام موسیقی بشمول "شیو ستوتی" کے کاپی رائٹ کے مالک ہیں اور فلم پونیئن سیلوان 2 میں اے آر رحمن کے "گانیویرا راجہ ویرا" میں ان کے حقوق کی خلاف ورزی کی گئی ہے۔