وفاقی وزیرداخلہ محسن نقوی سے غیر ملکی سرمایہ کار کمپنیوں کے وفد کی ملاقات

ملاقات کا پس منظر

لاہور ( ڈیلی پاکستان آن لائن ) وفاقی وزیرداخلہ محسن نقوی سے غیر ملکی سرمایہ کار کمپنیوں کے وفد نے ملاقات کی۔ ملاقات میں سرمایہ کاروں کے تحفظ اور سرمایہ کاری کو محفوظ بنانے کیلئے کیے گئے اقدامات پر تبادلہ خیال کیا گیا۔

یہ بھی پڑھیں: آئی جی پنجاب پولیس شہداء کی ویلفئر کیلئے سر گرم،شہید پولیس اہلکار کی فیملی کو گھر دیدیا

سرمایہ کاروں کی حفاظت کی یقین دہانی

وزیر داخلہ محسن نقوی نے وفد کی تجاویز کو نوٹ کیا اور ہر ممکن تعاون فراہم کرنے کی یقین دہانی کرائی۔ انہوں نے یقین دلایا کہ پاکستان ہر طرح کی سرمایہ کاری کے لئے محفوظ ملک ہے، پاکستان میں سرمایہ کاری کرنے والے انویسٹرز کا تحفظ ہماری حکومت کی اولین ترجیح ہے۔ حکومت نے سرمایہ کاری کے تحفظ کیلئے تمام تر اقدامات کئے ہیں۔

یہ بھی پڑھیں: انیل امبانی گروپ کے اثاثے منجمد، کیا الزامات ہیں؟ اہم تفصیلات سامنے آگئیں

حملوں کا سخت نوٹس

بعض شرپسندوں کے حملوں کا سخت نوٹس لیا گیا ہے اور ملزمان کے خلاف قانون کے مطابق کارروائی کی جا رہی ہے۔ مستقبل میں ایسے واقعات کی روک تھام کیلئے حکمت عملی وضع کر لی گئی ہے۔

یہ بھی پڑھیں: عالمی و مقامی گولڈ مارکیٹس میں سونے اور چاندی کی قیمتیں برقرار

اسلامی تعلیمات اور سرمایہ کاروں کے تحفظ کی ذمہ داری

وفاقی وزیرداخلہ محسن نقوی نے اس بات پر زور دیا کہ ہمارا دین اسلام امن و آشتی کا درس دیتا ہے، اور انہوں نے اس عزم کا اعادہ کیا کہ سرمایہ کاروں کے تحفظ کی ذمہ داری ہر صورت نبھائی جائے گی۔