ہانیہ عامر کو دلجیت دوسانجھ کی فلم سے نکال دیا گیا، بھارتی میڈیا کا دعویٰ

ہانیہ عامر کو سردار جی 3 سے نکال دیا گیا

ممبئی(ڈیلی پاکستان آن لائن) بھارتی میڈیا نے دعویٰ کیا ہے کہ پاکستانی اداکارہ ہانیہ عامر کو بھارتی گلوکار دلجیت دوسانجھ کی فلم سردار جی 3 سے نکال دیا گیا ہے۔

یہ بھی پڑھیں: بھارتی سیاستدان نے ریپ جیسے سنگین جرم کو خواتین اور مذہبی عقائد سے جوڑ دیا، سماجی تنظیموں کا احتجاج

فلم کی صورت حال

نجی ٹی وی سما نیوز کے مطابق پاکستان کی معروف اداکارہ ہانیہ عامر کے بارے میں قیاس آرائیاں کی جارہی تھیں کہ وہ بھارتی گلوکار و اداکار دلجیت دوسانجھ کے ساتھ انڈین پنجابی فلم ’سردار جی 3‘ میں نظر آئیں گی، جس کی تصدیق اداکار ناصر چنیوٹی نے بھی کی تھی۔ تاہم پہلگام حملے کے بعد فلم مشکلات کا شکار نظر آتی ہے۔

یہ بھی پڑھیں: اسحاق ڈار کی امریکی وزیر خارجہ سے ملاقات، 40 منٹ تک جاری رہنے والی ملاقات میں اہم امور پر گفتگو

پاکستانی فنکاروں پر پابندی

بھارتی میڈیا کے مطابق، ہانیہ عامر کی دلجیت دوسانجھ کے ساتھ پنجابی فلم کو مؤخر کردیا گیا ہے کیونکہ فلم انڈسٹری کے فنکاروں کی تنظیم ’فیڈریشن آف ویسٹرن انڈیا سنی ایمپلائز‘ نے ایک بار پھر پاکستانی فنکاروں کے بھارت میں کام کرنے پر پابندی عائد کردی ہے۔

یہ بھی پڑھیں: نئی نویلی دلہن نے ہنی مون پر شوہر کو قتل کردیا۔

سینما کی پیچیدگیاں

بھارتی میڈیا رپورٹس کے مطابق اب ’سردار جی 3‘ سے ہانیہ کے فلمائے گئے تمام مناظر نکال دیئے جائیں گے اور ان کا کردار کسی اور اداکارہ کے ساتھ دوبارہ فلمایا جائے گا۔ یہ ایک مشکل مرحلہ ہے کیونکہ فلم کی شوٹنگ پہلے ہی مکمل ہو چکی تھی۔

یہ بھی پڑھیں: بھارت نے ستلج میں مزید پانی چھوڑ دیا، سیلابی ریلے سے پنجاب کے 9 اضلاع ہائی الرٹ

انسٹا سٹوریز پر قیاس آرائیاں

یاد رہے کہ اس سے قبل ہانیہ عامر اور دلجیت دوسانجھ کی ایک جیسی انسٹا سٹوریز بھی سامنے آئی تھیں، جس سے صارفین نے اندازہ لگایا کہ دونوں فنکار ساتھ کوئی پراجیکٹ کر رہے ہیں، تاہم دونوں کی جانب سے اس کی تصدیق یا تردید سامنے نہیں کی گئی تھی۔

فلم کی سچائی

واضح رہے کہ فلم سردار جی 3، جو بھارتی پنجابی سنیما کی مشہور فرنچائز کا تسلسل ہے، اس کی کاسٹ اور کہانی کو پروڈیوسر نے خفیہ رکھا ہوا ہے۔