ہانیہ عامر کو دلجیت دوسانجھ کی فلم سے نکال دیا گیا، بھارتی میڈیا کا دعویٰ

ہانیہ عامر کو سردار جی 3 سے نکال دیا گیا

ممبئی(ڈیلی پاکستان آن لائن) بھارتی میڈیا نے دعویٰ کیا ہے کہ پاکستانی اداکارہ ہانیہ عامر کو بھارتی گلوکار دلجیت دوسانجھ کی فلم سردار جی 3 سے نکال دیا گیا ہے۔

یہ بھی پڑھیں: پنجاب کے پبلک سکولوں میں سٹیم نمائش کے انعقاد کا فیصلہ، اہم ہدایات جاری

فلم کی صورت حال

نجی ٹی وی سما نیوز کے مطابق پاکستان کی معروف اداکارہ ہانیہ عامر کے بارے میں قیاس آرائیاں کی جارہی تھیں کہ وہ بھارتی گلوکار و اداکار دلجیت دوسانجھ کے ساتھ انڈین پنجابی فلم ’سردار جی 3‘ میں نظر آئیں گی، جس کی تصدیق اداکار ناصر چنیوٹی نے بھی کی تھی۔ تاہم پہلگام حملے کے بعد فلم مشکلات کا شکار نظر آتی ہے۔

یہ بھی پڑھیں: آئی سی سی بورڈ میٹنگ کیلئے محسن نقوی کراچی سے دبئی پہنچ گئے

پاکستانی فنکاروں پر پابندی

بھارتی میڈیا کے مطابق، ہانیہ عامر کی دلجیت دوسانجھ کے ساتھ پنجابی فلم کو مؤخر کردیا گیا ہے کیونکہ فلم انڈسٹری کے فنکاروں کی تنظیم ’فیڈریشن آف ویسٹرن انڈیا سنی ایمپلائز‘ نے ایک بار پھر پاکستانی فنکاروں کے بھارت میں کام کرنے پر پابندی عائد کردی ہے۔

یہ بھی پڑھیں: چیئرمین وزیراعظم یوتھ پروگرام رانا مشہود کی زیر صدارت فیک نیوز کے تدارک کیلیے سنئیر صحافیوں، ایڈیٹرز، تجزیہ کاروں، اینکرز رپورٹر پر مشتمل گروپ کے ساتھ ڈائیلاگ

سینما کی پیچیدگیاں

بھارتی میڈیا رپورٹس کے مطابق اب ’سردار جی 3‘ سے ہانیہ کے فلمائے گئے تمام مناظر نکال دیئے جائیں گے اور ان کا کردار کسی اور اداکارہ کے ساتھ دوبارہ فلمایا جائے گا۔ یہ ایک مشکل مرحلہ ہے کیونکہ فلم کی شوٹنگ پہلے ہی مکمل ہو چکی تھی۔

یہ بھی پڑھیں: میانوالی میں پولیس اور سی ٹی ڈی کی کارروائی، 10 دہشتگرد ہلاک

انسٹا سٹوریز پر قیاس آرائیاں

یاد رہے کہ اس سے قبل ہانیہ عامر اور دلجیت دوسانجھ کی ایک جیسی انسٹا سٹوریز بھی سامنے آئی تھیں، جس سے صارفین نے اندازہ لگایا کہ دونوں فنکار ساتھ کوئی پراجیکٹ کر رہے ہیں، تاہم دونوں کی جانب سے اس کی تصدیق یا تردید سامنے نہیں کی گئی تھی۔

فلم کی سچائی

واضح رہے کہ فلم سردار جی 3، جو بھارتی پنجابی سنیما کی مشہور فرنچائز کا تسلسل ہے، اس کی کاسٹ اور کہانی کو پروڈیوسر نے خفیہ رکھا ہوا ہے۔